អង់គ្លេស៖ ពូជត្មាតអេហ្ស៊ីបមួយក្បាលត្រូវបានគេប្រទះឃើញ នៅចក្រភពអង់គ្លេសជាលើកដំបូង ដែលត្រូវបានគេជឿថាអស់រយៈពេលជាង១៥០ឆ្នាំមកហើយ។ ដោយប្រទះឃើញជាលើកដំបូងក្នុងរយៈពេលជាងមួយសតវត្សរ៍ វាត្រូវបានគេគិតថា វាប្រហែលជាធ្វើដំណើរពីភាគខាងជើងប្រទេសបារាំង ទៅកោះ Isles of Scilly។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមអ្នកជំនាញបាននិយាយថា ប្រសិនបើការប្រទះឃើញសត្វព្រៃមួយនេះគឺជារឿងមួយដ៏កម្រ វាគួរតែជាការប្រទះឃើញជាលើកដំបូង ចាប់តាំងពីឆ្នាំ១៨៦៨មក។ មានកំណត់ត្រាផ្លូវការចំនួនពីរនៃការប្រទះឃើញវា ដែលមួយនៅក្នុងតំបន់ Somerset ក្នុងឆ្នាំ១៨២៥ និងមួយទៀតក្នុងតំបន់ Essex ក្នុងឆ្នាំ១៨៦៨។ ពូជត្មាតអេហ្ស៊ីបអាចត្រូវបានគេប្រទះឃើញនៅក្នុងផ្នែកខ្លះភាគខាងត្បូងប្រទេសអេស្ប៉ាញ និងភាគខាងជើងប្រទេសបារាំង។
លោកសាស្ត្រាចារ្យ Stuart Bearhop អ្នកបរិស្ថាននៅសាកលវិទ្យាល័យ University of Exeter បាននិយាយថា គាត់ជឿថាវាអាចជាបក្សីហោះហើរមកពីប្រទេសបារាំង និងវង្វេងស្របពេលកំពុងផ្លាស់ទីលំនៅ។ បក្សីព្រៃនេះកំពុងថយចុះនៅទូទាំងពិភពលោក ដែលធ្វើឲ្យការប្រទះឃើញវាគឺជារឿងមួយកាន់តែកម្រ៕