កូរ៉េខាងត្បូង៖ តាមប្រភពក្នុងស្រុកមួយ បានចុះផ្សាយ ពីលោក Yoon Sung Yeo អាយុ ៥៤ ឆ្នាំ ដែលត្រូវបានជាប់ពន្ធនាគារដោយអយុត្តិធម៌អស់រយៈពេល ២០ ឆ្នាំ ក្នុងនាមជាពិរុទ្ធជន ដែលត្រូវបានគេរំពឹងថានឹងទទួលបានសំណង ពីរដ្ឋអំណាច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះយោងតាមរបាយការណ៍នៅថ្ងៃទី ១០ ខែមីនា ផ្នែកព្រហ្មទណ្ឌទី ៥ នៃតុលាការស្រុក Suwon បានសម្រេចចិត្តបង់ប្រាក់សំណងចំនួន ២,៥១៧ ពាន់លានវ៉ុន (ប្រហែល ២,២ លានដុល្លារ) ទៅឱ្យលោក Yoon ដែលត្រូវបានកាត់ឱ្យរួចខ្លួននៅក្នុងការជំនុំជម្រះក្តីលើកទី ៨ នៃបទឩក្រិដ្ឋឃាតកម្ម កាលពីថ្ងៃទី ១៩ ខែកុម្ភៈ។
ដោយឡែកតុលាការ ក៏បានបញ្ជាក់ថា អ្នកទាមទារសំណងត្រូវបានឃុំខ្លួន កាត់ក្តីដោយអយុត្តិធម៌ ដោយជាប់ពន្ធនាគារទាំងខ្លួនមិនបានប្រព្រឹត្តបទល្មើស អស់រយៈពេល ៧,៣២៦ ថ្ងៃចាប់ពីថ្ងៃទី ២៥ ខែកក្កដាឆ្នាំ ១៩៨៩ ដល់ថ្ងៃទី ១៤ ខែសីហាឆ្នាំ ២០០៩។
ការទាមទាររបស់ករណីនេះត្រូវបានធ្វើឡើងក្រោមច្បាប់ស្តីពីសំណងព្រហ្មទណ្ឌ ជាសំណងកិត្តិយសទៅលើជនរងគ្រោះ រូបលោក នឹងទទួលបានសំណង សម្រាប់ការជាប់ពន្ធនាគារដោយអយុត្តិធម៌អស់រយៈពេល ២០ ឆ្នាំកន្លងមកនេះ។
បន្ថែមពីនេះ តុលាការបានទទួលស្គាល់ការអះអាងនេះដោយនិយាយថា ករណីនេះត្រូវអនុវត្តចំពោះសំណងដែលមានចែងនៅក្នុងច្បាប់ស្តីពីសំណងសំណងព្រហ្មទណ្ឌនិងកិត្តិយស ហើយដូច្នោះតុលាការបានសម្រេចលើចំនួនទឹកប្រាក់នៃសំណងដែលត្រូវបង់ទៅឱ្យ លោក Yoon ដូចដែលបានកំណត់ដោយច្បាប់សំណងព្រហ្មទណ្ឌ៕
សូមទស្សនារូបភាពខាងក្រោម៖