ដល់រដូវផ្កាសាគូរ៉ា នៅស្រុកយើងរីកទៀតហើយ មានអីស្អាតមិនចាញ់ផ្កាសាគូរ៉ានៅជប៉ុនឯណា!

កម្សាន្ត៖ ជាការពិតណាស់ ផ្កាសាគូរ៉ាគឺជាផ្កាមួយប្រភេទមានសោភណ្ឌភាពស្រស់ស្អាតខ្លាំង មានដើមកំណើតនៅឯប្រទេសជប៉ុន ដែលគ្រប់គ្នាតែងតែប្រាថ្នាចង់លេងទៅទីនោះ ដើម្បីបានមើលផ្កានេះនៅអំឡុងពេលរដូវផ្ការីក គិតចាប់ពីខែមករារហូតដល់ខែមេសាផ្ទាល់តែម្ដង។

ដោយឡែក បើក្រឡេកមកមើលនៅក្នុងទីក្រុងភ្នំពេញរបស់យើងវិញ យើងក៏ឃើញមានដើមផ្កានេះត្រូវបានគេដាំលម្អនៅតាមសួនច្បារមាត់ទន្លេជាច្រើនដើមផងដែរ ពិសេសគឺម្ដុំមុខវត្តឧណ្ណាលោម។

ក្នុងនោះដែរ នាពេលថ្មីៗនេះ អ្នកនិយមលេងបណ្ដាញសង្គមជាច្រើន កំពុងមានការចាប់អារម្មណ៍ និងនាំគ្នាទៅថតរូបលេងកម្សាន្តនៅទីនោះជាហូរហែផងដែរ។ ព្រោះថាអំឡុងពេលនេះ ផ្កាសាគូរ៉ាជាច្រើនដើម មានពណ៌ស្វាយ ពណ៌សនិងពណ៌ផ្កាឈូក កំពុងតែរីកស្គុះស្គាយបង្អួតសម្រស់យ៉ាងស្រស់ស្អាត មិនចាញ់ផ្កាសាគូរ៉ានៅឯប្រទេសជប៉ុននោះឡើយ៕

ចង់ជ្រាបច្បាស់ ទស្សនារូបភាពខាងក្រោម៖