តោះ! មកដឹងពីប្រវត្តិខ្លះៗនៃកីឡាការិនី Colbey Northcutt ដែលគូប្រកួតរបស់ ឯម សុវណ្ណរី នៅ ONE ខែក្រោយនេះ

បរទេស៖ នៅថ្ងៃទី២៨ ខែមេសា ឆ្នាំ២០២១ ខាងមុខនេះ កីឡាការិនី គុនចម្រុះ ឯម សុវណ្ណរី ដែលជាកូនខ្មែរ កាត់អាមេរិក នឹងត្រូវប្រកួតទល់នឹង កីឡាការិនី Colbey Northcutt ក្នុងព្រឹត្តិការណ៍គុនចម្រុះ ONE Championship។

នៅថ្ងៃនេះដែរ Keylatop សូមណែនាំប្រិយមិត្តឲ្យស្គាល់ពីប្រវត្តិខ្លះៗរបស់គូប្រកួតកីឡាការិនី ឯម សុវណ្ណរី៖

កីឡាការិនី Colbey Northcutt មានវ័យ២៧ឆ្នាំ សញ្ជាតិអាមេរិក មានកម្ពស់ ១.៧៥ ម៉ែត្រ បច្ចុប្បន្នជាម្ចាស់ខ្សែក្រវ៉ាត់ខ្មៅបីដាន់នៃកីឡាតេក្វាន់ដូ, ខ្សែក្រវ៉ាត់ខ្មៅបួនដាន់ក្នុងកីឡាជូកកេនបូ និង​ កាន់កាប់ខ្សែក្រវ៉ាត់ស្វាយក្នុងកីឡាជីជិតស៊ូ។

កាលពីខែវិច្ឆិកា ឆ្នាំ២០២០កន្លងទៅ Colbey បានឈានជើងចូលក្នុងសង្វៀន ONE Championship ជាលើកដំបូងដោយជួបប្រកួតជាមួយកីឡាការិនី Putri Pudmi និង ទទួលបានជ័យជម្នះដោយពិន្ទុសម្រាប់ការបង្ហាញខ្លួនលើកដំបូងរបស់ខ្លួន។ អ្វីដែលកាន់តែពិសេសទៀតនោះ គឺ Colbey ក៏មានបងប្រុសរបស់ខ្លួនដែរមានឈ្មោះថា​ Sage Northcutt ជាជើងខ្លាំងម្នាក់ក្នុងសង្វៀន One Championship ផងដែរ។ សរុបមក Colbey ធ្លាប់មានប្រវត្តិប្រកួតកីឡាគុណចម្រុះអាជីព ចំនួនពីរដង និង ទទួលបានលទ្ធផល ឈ្នះមួយ និង​ ចាញ់មួយ៕