១គ្រាប់របស់ Arnold ស៊ុតអេមណាស់! Liverpool លើកទ័ពទៅលត់ក្រុមម្ចាស់ផ្ទះ Spurs ទក់សាច់យប់មិញ (មានវីដេអូ)

អង់គ្លេស៖ កាលពីរាត្រីថ្ងៃព្រហស្បតិ៍កន្លងទៅ ត្រូវនឹងថ្ងៃទី២៨ ខែមករា ឆ្នាំ២០២១ ជាការប្រកួតក្នុងសប្តាហ៍ទី ២០ នៃក្របខណ្ឌ Premier League  រវាងក្រុមមាន់ខ្នាយមាស Tottenham Hotspur បានបើកទ្វាផ្ទះទទួលស្វាគមន៍ក្រុមភ្ញៀវហង្សក្រហម Liverpool។

គួររម្លឹកដែរថា នាការប្រកួតកាលពីយប់មិញនេះ ក្រុមហង្សក្រហម Liverpool បានលត់ក្រុមម្ចាស់ផ្ទះមាន់ខ្នាយមាស Tottenham Hotspur ក្នុងលទ្ធផល ៣-១។

គ្រាប់បើកឆាកដំបូងរបស់ Liverpool គឺរកបានដោយកីឡាករ Firmino នៅនាទីទី ៤៥+៤។ លុះចូលតង់ទី២ នៅនាទីទី ៤៧ ខ្សែការពារស្លាបស្តាំ Alexander Arnold ក៏បានរកគ្រាប់បាល់នាំមុខបន្ថែមទៀតដែលជាគ្រាប់ទី ២ របស់ហង្សក្រហម។ ក្រោយមកភ្លាមៗនោះ នៅនាទីទី ៤៩ ក្រុម Spurs ក៏មានឱកាសវាយបកស៊ុតបញ្ចូលទីមកវិញផងដែរ ដោយកីឡាករ Hojbjerg។ ប៉ុន្តែមិនទាន់អស់នៅឡើយ Mane ក៏បានស៊ុតបញ្ចូលទីបាន ១ គ្រាប់ទៀតដែលជាគ្រាប់ចុងក្រោយឱ្យក្រុមហង្សក្រហម នៅនាទីទី ៦៥។

តាមរយៈជ័យជម្នះនេះ បានជួយឱ្យក្រុមហង្សក្រហមឡើងមកឈរលេខរៀងទី ៤ វិញក្នុងតារាងចំណាត់ថ្នាក់ មាន ៣៧ ពិន្ទុក្នុងដៃ កំពុងតាមពីក្រោយក្រុមកំពូលតារាង Man City ចំនួន ៤ ពិន្ទុ នៅក្នុងក្របខណ្ឌ Premier League៕

សូមទស្សនាវីដេអូខាងក្រោម៖

ប្រភព៖ SportsMole