ចិត្តបុណ្យមែន! សួស វីហ្សា សាងសង់ផ្ទះជូនចាស់ជរាសម្រេចបាន ៩០% ហើយ

តារាចម្រៀងដែលទើបនឹងសម្រាលកូនបានជាង ០២ខែ មកនេះអ្នកនាង សួស វីហ្សា កំពុងតែត្រៀមនឹងបោះជំហានចូលប្រឡូកក្នុងវិស័យសិល្បៈសារជាថ្មីម្តងទៀត ក្រោយសម្រាកសម្រាលកូនអស់រយៈពេលជាច្រើនខែមកហើយ។

ម្ចាស់បទចម្រៀង “គេមិនស្រលាញ់យើងទេ” រូបនេះក៏កំពុងតែនឹងហាត់ប្រាណសម្រករូបរាងឡើងវិញ ដោយសារតែអ្នកនាងហាក់ឡើងគីឡូខ្លាំងមុនពេលសម្រាលកូនស្រីដ៏ស្រស់ស្អាតដែលមានឈ្មោះថា “ថង សាម៉ូលីណា”។

យ៉ាងណាមិញបើកក្រឡេកមើលទៅលើរឿងធ្វើបុណ្យវិញ អ្នកនាង សួស វីហ្សា ក៏បានចែកនូវរ៉ូបពោះធំជាច្រើនក្រោយពេលដែលអ្នកនាងសម្រាលកូនរួចដែលធ្វើឱ្យមហាជនកោតសរសើរយ៉ាងខ្លាំងចំពោះទង្វើដ៏ប្រពៃមួយនេះ។

ដោយឡែកកាលពីប៉ុន្មានម៉ោងមុននេះអ្នកនាងទើបនឹងបានប្រកាសបន្ថែមទៀតថា អ្នកនាងបានសាងសង់ផ្ទះជូនលោកតាចាស់ជរាម្នាក់ និងបានរួចរាល់ជាង ៩០% មកហើយដែលនឹងអាចឱ្យលោកតាចូលរស់នៅក្នុងពេលឆាប់ៗខាងមុខនេះផងដែរ៕

សូមទស្សនារូបភាពខាងក្រោមនេះ៖