ទោះបទថ្មីរបស់ សុខ ស្រីនាង មួយបទនេះទទួលបានការគាំទ្រខ្លាំង តែក៏នៅមានការរិះគន់លើរឿងនេះ (មានវីដេអូ)

ផលិតកម្មហង្សមាស ជាផលិតកម្មដែលឈរនៅលំដាប់លេខរៀងទី១ ក្នុងប្រទេសកម្ពុជា បើធៀបនឹងផលិតកម្មដទៃដូចជា ផលិតកម្មសាន់ដេ ផលិតកម្មថោន ផលិតកម្ម Galaxy Navatra ផលិតកម្ម M ជាដើម។

យ៉ាងណាមិញគួរបញ្ជាក់ថា ជាទូទៅផលិតកម្មយក្សមួយនេះតែងតែបញ្ចេញនូវបទចម្រៀងថ្មីៗតាមរយៈទំព័រហ្វេសប៊ុកផ្លូវការរបស់ខ្លួនដែលមានឈ្មោះថា “Rasmey Hang Meas” ជារៀងរាល់ថ្ងៃដើម្បីបម្រើអារម្មណ៍អ្នកគាំទ្ររបស់ខ្លួនមិនឱ្យខកបំណងនោះទេ។

ដោយឡែកកាលពីប៉ុន្មានថ្ងៃមុននេះផលិតកម្មហង្សមាស ក៏បានបង្ហោះនូវបទចម្រៀងមួយបទរបស់អ្នកនាង សុខ ស្រីនាង ដែលមានចំណងជើងថា “គ្មានកន្លែងណាកក់ក្តៅជាងផ្ទះយើង” ហើយក៏ទទួលរងការរិះគន់នៅក្នុងខមមិនជាច្រើនពាក់ព័ន្ធនឹងសាច់ភ្លេងលំនាំទៅនឹងសាច់ភ្លេងថៃ។

ក្នុងនោះផងដែរ បើស្តាប់តែសាច់ភ្លេងគឺហាក់ស្រដៀងគ្នាមែន ប៉ុន្តែអត្ថន័យហាក់ខុសគ្នាដាច់ដោយឡែកតែម្តង ដូច្នេះចង់ដឹងច្បាស់ ប្រិយមិត្តអាចសណ្តាប់បទចម្រៀងនៅខាងក្រោមនេះបាន៕

សូមទស្សនារូបភាព និងវីដេអូខាងក្រោម៖