បរទេស៖ យោងតាមការរាយការណ៍របស់អ្នកនាំពាក្យអង្គការសហប្រជាជាតិ ហៅកាត់ (UN) បានឱ្យដឹងថា អគ្គលេខាធិការ UN លោក Antonio Guterres បានអំពាវនាវឱ្យអុីរ៉ង់មានការអត់ធ្មត់ បន្ទាប់ពីអ្នកវិទ្យាសាស្ត្រនុយក្លេអ៊ែរកំពូលរបស់ខ្លួន ត្រូវបានគេលបធ្វើឃាតនៅក្បែររដ្ឋធានីតេហេរ៉ង់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកនាំពាក្យរបស់លោក Antonio Guterres បានគូសបញ្ជាក់ដូច្នេះថា៖
យើងបានទទួលរបាយការណ៍ស្តីពីករណីលួចធ្វើឃាតអ្នកវិទ្យាសាស្ត្រនុយក្លេអ៊ែរនៅថ្ងៃនេះហើយ ក្នុងនោះដែរ យើងស្នើទទូចឲ្យអុីរ៉ង់មានភាពអត់ធ្មត់ខ្ពស់ និងចាំបាច់ជៀសវាងរាល់សកម្មភាព ដែលអាចបង្កឱ្យមានភាពតានតឹង និងអសន្តិសុខក្នុងតំបន់។
គួរជម្រាបថា ជាការឆ្លើយតបភ្លាមៗ អុីរ៉ង់ក៏បានផ្ញើលិខិតដោយមានប្រតិកម្មទៅវិញយ៉ាងខ្លាំងថា ករណីធ្វើឃាតនេះសបញ្ជាក់ឱ្យឃើញពីទំនួលខុសត្រូវយ៉ាងធ្ងន់ធ្ងររបស់អុីស្រាអែល ហើយខ្លួននឹងចាត់វិធានការសមស្របណាមួយ ដើម្បីការពារសន្តិសុខ ក៏ដូចជាប្រយោជន៍ជាតិជាធំ។ ហើយក្នុងលិខិតនោះមានខ្លឹមសារថា៖
ការព្រមានប្រឆាំងទៅនឹងវិធានការណាមួយពីសហរដ្ឋអាមេរិក ឬក៏អុីស្រាអែលមកលើប្រទេសរបស់យើង ជាពិសេសក្នុងអំឡុងពេលដែលអាណត្តិរដ្ឋបាលលោក ត្រាំ ជិតនឹងផុតរលត់នាពេលខាងមុខផងនោះ សាធារណរដ្ឋអ៊ីស្លាមអុីរ៉ង់ មានសិទ្ធពេញលេញក្នុងការចាត់វិធានការណាមួយដែលខ្លួនគិតថាចាំបាច់ ដើម្បីការពារសុវត្ថិភាពប្រជាពលរដ្ឋ ក៏ដូចជាផលប្រយោជន៍ជាតិជាអាទិ៍៕
Bong I.T