ប៉េកាំង៖ នាយកជំនាញជប៉ុនខាងកិច្ចការយោធាចិនបាននិយាយកាលពីថ្ងៃសុក្រថា ប្រទេសចិនបានសាងសង់មូលដ្ឋានអាកាសថ្មីមួយនៅក្នុងទីក្រុងកំពង់ផែ Dalian នៅជិតព្រំដែនកូរ៉េខាងជើង ដែលជាផ្នែកមួយនៃប្រព័ន្ធប្រកាសអាសន្នមីស៊ីល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រព័ន្ធប្រកាសអាសន្ននេះ ប្រើប្រាស់នាវាអាកាសបណ្តែតលើបរិយាកាស ដែលដើរដោយឧស្ម័នអេល្យូម អាចជាប្រភេទដំបូងគេនៅលើពិភពលោក ក្នុងគោលបំណងឃ្លំាមើល ឧបទ្វីបកូរ៉េ និងមូលដ្ឋានយោធាអាមេរិកក្នុងប្រទេសជប៉ុន។
ម៉្យាងវិញទៀត អត្ថប្រយោជន៍របស់ប្រព័ន្ធនេះ គឺវាមានប្រសិទ្ធភាពក្នុងការចាប់សញ្ញាអាវុធចូលពីដែនអាកាសទាប។ ហើយចំពោះថ្លៃដើមនៃការដាក់នាវាអាកាសមួយនេះនៅលើបរិយាកាស ក៏វាមានតម្លៃថោកជាងផ្កាយរណបសិប្បនិម្មិតដែរ។
គួរបញ្ជាក់ផងដែរថា សហរដ្ឋអាមេរិកក៏បានធ្លាប់សាងសងនូវប្រព័ន្ធស៊ើបការណ៍ស្រដៀងគ្នានេះដែរ។ ប៉ុន្តែត្រូវបានបោះបង់ចោលវិញនៅក្នុងឆ្នាំ ២០១៥ ដោយសារឧប្បត្តិវហេតុអំឡុងពេលដាក់សាកល្បងបង្ហោះនាវាអាកាសនេះ៕