បន្ទាយមានជ័យ៖ កាលពីខែតុលា ឆ្នាំ២០២០ កន្លងទៅនេះ ប្រជាជនកម្ពុជាជាង ៤,២០០គ្រួសារ នៅខេត្តបន្ទាយមានជ័យ ដែលរងប៉ះពាល់ដោយសារគ្រោះទឹកជំនន់ បានទទួលជំនួយសប្បុរសធម៌ពីក្រុមហ៊ុន Electrolux ដែលបានជួយឧបត្ថម្ភ និងរៀបចំតំឡើងប្រព័ន្ធម៉ាស៊ីនផលិត និងចំរោះទឹកស្អាតចំនួន២គ្រឿង (Aqua Block System) សម្រាប់ប្រជាជន ដែលកំពុងតែមានតម្រូវការចាំបាច់បំផុត ដើម្បីបានទទួលនូវទឹកស្អាត និងសុវត្ថិភាពសម្រាប់បរិភោគ និងប្រើប្រាស់ក្នុងកំឡុងពេលជន្លៀសទៅរស់នៅទីសុវត្ថិភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការផ្តល់ប្រព័ន្ធទឹកស្អាតនេះបានដោយសារយោងលើការអនុញ្ញាត ក៏ដូចជាការសហការយ៉ាងល្អបំផុតពីគណៈគ្រប់គ្រងខេត្តបន្ទាយមានជ័យ និងចូលរួមសហការតាមរយៈក្រុមការងាររបស់ Planet Water's Cambodia team ផងដែរ។
តាមរបាយការណ៍សរុបម៉ាស៊ីនផលិតទឹកស្អាតនេះ អាចផលិតទឹកបាន ១,៥០០ លីត្រ ក្នុងមួយម៉ោង ដែលអាចផ្គត់ផ្អង់ទឹកស្អាតសុវត្ថិភាពជូនប្រជាជនកម្ពុជាបានប្រមាណជា ១៦,៣៤៤នាក់។
ប្រជាជនខេត្តបន្ទាយមានជ័យ ដែលរងគ្រោះដោយសារទឹកជំនន់នេះ បានថ្លែងអំណរគុណដល់ក្រុមហ៊ុន Electrolux ដែលបានចូលរួមជាមួយរាជរដ្ឋាភិបាលកម្ពុជា ដើម្បីជួយសង្គ្រោះប្រជាជនកម្ពុជាទាន់ពេលវេលា សមស្របជាមួយនឹងតម្រូវការទឹកស្អាតប្រើប្រាស់យ៉ាងចាំបាច់មួយរយៈកាលនេះ។
Electrolux គឺជាក្រុមហ៊ុនអេឡិចត្រូនិច ដែលមានដើមកំណើតពីប្រទេសអឺរ៉ុប ហើយម៉ាក Electrolux ឈានចូលទីផ្សារផ្នែកអេឡិចត្រូនិចនៅទូទាំងពិភពលោកអស់រយៈកាលជាង១០០ឆ្នាំមកហើយ។ ផលិតផលម៉ាក Electrolux រួមានដូចជា ផលិតផលចង្រ្កានអគ្គិសនី ចង្រ្កានហ្គាស ម៉ាស៊ីនបឺតផ្សែង ម៉ាស៊ីនបោគគក់ ទូទឹកកក ម៉ាស៊ីនលាងចាន ម៉ាស៊ីនដុតនំ ម៉ៃក្រូវេវ ឆ្នាំងដាំបាយអគ្គិសនី ម៉ាស៊ីនទឹកឡុក និងផលិតផលអេឡិចត្រូនិចជាច្រើនមុខទៀត។ ចំណែកទីផ្សារក្នុងប្រទេសកម្ពុជាយើងក៏មានតំណាងចែកចាយធំៗពីរដូចជា ក្រុមហ៊ុនខេហ្វ័រ និងក្រុមហ៊ុនស៊ុនស៊ីមិចកូ ហើយក៏មានលក់រាយនៅតាមបណ្តាផ្សារទំនើបម៉ាក្រូ ក្លូបូលហៅ និងផ្សារ Big C ប៉ោយប៉ែត៕