ប៊ែរឡាំង៖ វិទ្យាស្ថាន Robert Koch (RKI) បានឱ្យដឹងកាលពីថ្ងៃសុក្រថា អាល្លឺម៉ង់បានប្រកាសដាក់ប្រទេសអ៊ីតាលី ដាណឺម៉ាក លីទុយអានី ព័រទុយកាល់ និងស៊ុយអែត ជាតំបន់មានហានិភ័យក្នុងការចម្លងជំងឺកូវីដ១៩ ព្រមទាំងបានហាមប្រាមពលរដ្ឋខ្លួន មិនឱ្យធ្វើដំណើរទៅប្រទេសទាំងនេះ ប្រសិនបើគ្មានការងារចាំបាច់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវិទ្យាស្ថានខាងលើបានបញ្ជាក់ថា ការហាមប្រាមសម្រាប់ប្រទេសដាណឺម៉ាក គឺមិនរាប់ចូលតំបន់ Faroe Islands និង Greenland នោះទេ។ ចំណែកបម្រាមសំរាប់ប្រទេសលីទុយអានី ក៏មិនរាប់ចូលទីក្រុង Utena ដែរ។ បន្ថែមពីនេះ ចំពោះបម្រាមសម្រាប់ព័រទុយកាល់ មិនរាប់បញ្ចូលតំបន់ Madeira និង Azores ទេ។ ហើយសម្រាប់ប្រទេសស៊ុយអែត ក៏មិនរាប់បញ្ចូលតំបន់ Vaesternorrland ភាគខាងជើងប្រទេសដែរ។
គួរជម្រាបថា បច្ចុប្បន្ន ជំងឺកូវីដ១៩នៅក្នុងប្រទេសអាល្លឺម៉ង់ បានឆក់យកជីវិតមនុស្ស ១១,៣៦៤នាក់ ក្នុងចំណោមអ្នកឆ្លង ៦៤១,៣៦២នាក់។ ចំណែកមនុស្សប្រមាណ ៤០២,៥០០នាក់ផ្សេងទៀត បានទទួលការព្យាបាលជាសះស្បើយ៕
Bong I.T