ប៉េកាំង៖ ទីក្រុង RUILI ស្ថិតក្នុងខេត្តយុនណាន់ ភាគនិរតីប្រទេសចិន ត្រូវបានអាជ្ញាធរប្រកាសបិទទ្វារ និងពន្លឿនការធ្វើតេស្តលើប្រជាជនប្រមាណ ២០ម៉ឺននាក់ជាបន្ទាន់ ក្រោយរកឃើញជនជាតិមីយ៉ាន់ម៉ាពីរនាក់ ឆ្លងជំងឺកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគណៈកម្មការសុខាភិបាលខេត្តចិនបានឱ្យដឹងថា ករណីទាំងនេះត្រូវបានរកឃើញកាលពីថ្ងៃអាទិត្យ ហើយអ្នកជំងឺទាំងពីរនាក់ គឺជាជនជាតិមីយ៉ាន់ម៉ាដែលបានចូលប្រទេសចិនដោយខុសច្បាប់។
បច្ចុប្បន្នអ្នកជំងឺទាំងពីរ ត្រូវបានបញ្ជូនទៅសម្រាកព្យាបាលនៅមន្ទីរពេទ្យ ចំណែកអ្នកដែលបានធ្វើប្រាស្រ័យទាក់ទងជិតស្និទ្ធជាមួយអ្នកជំងឺចំនួន ១៩០នាក់ផ្សេងទៀង ត្រូវរៀបចំដាក់ឱ្យនៅដាច់ដោយឡែក។
គួរឱ្យដឹងដែរថា រហូតមកដល់ពេលនេះ នាយកដ្ឋានប៉ូលីសក្នុងតំបន់បាននឹងកំពុងបើកការស៊ើបអង្កេតរកមុខអ្នកដែលបានចូលប្រទេសចិនដោយខុសច្បាប់ ហើយចំណែកមន្ត្រីជាប់ពាក់ព័ន្ធរឿងនេះក៏នឹងត្រូវកាត់ទោសតាមច្បាប់ដែរ៕