ប៉េកាំង៖ អ្នកនាំពាក្យកងទ័ពរំដោះរបស់ប្រជាជនចិន (PLA) បាននិយាយនៅថ្ងៃព្រហស្បតិ៍នេះថា ថ្មីៗនេះកងទ័ពចិនដីគោកបានធ្វើសមយុទ្ធបាញ់គ្រាប់ពិតនៅច្រកសមុទ្រកោះតៃវ៉ាន់ ដើម្បីជាវិធានការចាំបាច់ ក្នុងគោលបំណងការពារអធិបតេយ្យភាព និងស្ថេរភាពក្នុងតំបន់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសមយុទ្ធរបស់កងទ័ពរំដោះប្រជាជនចិន ត្រូវបានធ្វើឡើងនៅតំបន់ភាគខាងត្បូង និងភាគខាងជើងនៃច្រកសមុទ្រតៃវ៉ាន់ ដោយមានការចូលរួមពីអង្គភាពជាច្រើន ដើម្បីជាការធ្វើតេស្តសាកល្បងសមត្ថភាពប្រយុទ្ធរួមគ្នានៃកងកម្លាំងរបស់ខ្លួន ក៏ដូចជាផ្ញើសារទៅដល់ “កងកម្លាំងបំបែកខ្លួន” នៅតំបន់កោះតៃវ៉ាន់ ដែលកំពុងធ្វើសកម្មភាពបង្កការអន្តរាយដល់សន្តិភាព និងស្ថិរភាពក្នុងតំបន់យ៉ាងធ្ងន់ធ្ងរ។
គួរឱ្យដឹងដែរថា ប្រទេសចិនតែងចាត់ទុកកោះតៃវ៉ាន់គឺជាខេត្តមួយរបស់ខ្លួន ហើយក៏មិនយល់ព្រមឱ្យកោះតៃវ៉ាន់ ប្រកាសខ្លួនជាកោះឯករាជ្យដែរ។ ចំណែកកោះតៃវ៉ាន់វិញ បានប្រកាសបដិសេធដាច់ខាត ចំពោះការទាមទារអធិបតេយ្យភាពនេះ ហើយបាននឹងកំពុងបង្កើនចំណងមិត្តភាពជាមួយសហរដ្ឋអាមេរិក ដោយមានទាំងការស្នើសុំទិញគ្រឿងសព្វាវុធផ្សេងៗ ក្នុងគោលបំណងយកមកបង្កើនសមត្ថភាពយោធារបស់ខ្លួន និងដើម្បីប្រឆាំងទៅនឹងការដាក់សម្ពាធពីប្រទេសចិន៕