កសិដ្ឋានចិញ្ចឹមគោយកទឹកដោះទំនើបបំផុតនៅកម្ពុជា ចាប់ផ្ដើមផលិតកម្មរបស់ខ្លួន ទោះបីជាប្រឈមបញ្ហា កូវីដ-១៩ ក៏ដោយ

ភ្នំពេញ៖ ទោះបីជាអាជីវកម្ម និងវិនិយោគនៅកម្ពុជាខ្លះប្រឈមនឹងបញ្ហាវីរុសកូវីដ-១៩ក៏ដោយ ក៏ក្រុមហ៊ុនក្នុងស្រុកមួយចំនួន នៅតែបន្តចំណាយពេលវេលា និងធនធានរបស់ខ្លួនទៅលើគម្រោងអាជីវកម្មដែលខ្លួនបានគ្រោងទុក មុនពេលមានការផ្ទុះឡើងនៃវីរុសនេះ។

ដូចជា គម្រោងអាជីវកម្មរបស់កសិដ្ឋាន គិរីសួគ៌ (Kirisu​ Farm) ដែលជាកសិដ្ឋានចិញ្ចឹមគោយកទឹកដោះ និងជារោងចក្រកែច្នៃទឹកដោះគោ ដែលប្រើបច្ចេកវិទ្យាទំនើបថ្មីចុងក្រោយគេបង្អស់ ក្នុងខេត្តតាកែវ ដែលបានឆ្លងកាត់ការអភិវឌ្ឍន៍ អស់រយៈពេលជាច្រើនឆ្នាំមកហើយ។ កសិដ្ឋានមានផែនការពន្លឿនសកម្មភាពផលិតនាដើមឆ្នាំ ២០២០ ក្នុងគោលដៅផ្គត់ផ្គង់ទឹកដោះគោសុទ្ធបំផុតពីធម្មជាតិ សម្រាប់ពលរដ្ឋកម្ពុជាឲ្យបាននៅចុងឆ្នាំនេះ។ 

ឈរនៅក្បែរសត្វគោញីផើម ប្រភេទ Holstein heifers ចំនួន ៥៥០​ ក្បាល ដែលបាននាំចូលពីប្រទេសអូស្រ្តាលី កាលពីខែកុម្ភៈ មិនា និង មេសាកន្លងមក លោក ឈរ រិទ្ធី  នាយកប្រតិបត្តិក្រុមហ៊ុន Khmer Fresh Milk Co., Ltd. និង ជាប្រតិបត្តិករកសិដ្ឋាននេះ បានពន្យល់ថា៖

លោក រិទ្ធី  បានបន្ថែមទៀតថា ៖

កសិដ្ឋានទំហំ ៣០០ ហិចតានេះ មានទីតាំងស្ថិតនៅជ្រលងភ្នំតាម៉ៅ នៅខេត្តតាកែ​វ ចម្ងាយជាង ៣០ គីឡូម៉ែត្រ ពីភាគខាងត្បូង រាជធានីភ្នំពេញ។

កសិដ្ឋាននេះ មានខ្យល់អាកាសបរិសុទ្ធ ដីសំបូរជីវជាតិ និងភាពស្ងប់ស្ងាត់ល្អ   ដែលអំណោយផលដល់ការចិញ្ចឹមគោដែលបាននាំចូលថ្មីទាំងអស់នោះ។ គោទាំងនេះស៊ី ពោត សណ្ដែក   និងស្មៅប្រភេទផ្សេងៗ ដូចជាស្តៃឡូ (Stylo) មូមបាសា (Mombasa) ដែលដំា និងកែច្នៃដោយកសិដ្ឋានផ្ទាល់តែម្តង។

ក្រុមហ៊ុន Khmer Fresh Milk បានកកើតចេញពីការចាប់ដៃគូរវាង Cambodia-Laos-Myanmar Development Fund II ដែលមានមូលដ្ឋាននៅប្រទេសសិង្ហបុរី តំណាងដោយក្រុមហ៊ុន Emerging Markets Investment Advisers (EMIA), មូលនិធិ Nexasia របស់ជប៉ុន ដែលមានមូលដ្ឋាននៅប្រទេសសិង្ហបុរី និងក្រុមស្ថាបនិកដែលទទួលបានជោគជ័យខ្ពស់ រួមមាន សហគ្រិនកម្ពុជា និងសហគ្រិន​មកពីប្រទេសអ៊ីស្រាអែល។

ដៃគូផ្នែកបច្ចេកវិទ្យាគឺក្រុមហ៊ុន  Afimilk របស់ប្រទេសអ៊ីស្រាអែល។ Afimilk ជាក្រុមហ៊ុន មួយក្នុងចំណោមក្រុមហ៊ុនផ្គត់ផ្គង់ធំបំផុតខាងបច្ចេកវិទ្យា និងគ្រប់គ្រងកសិដ្ឋានគោទឹកដោះ នៅលើពិភពលោក។

ក្រុមហ៊ុន Afimilk បានទទួលជោគជ័យជាច្រើនមកហើយ ក្នុងការបង្កើត និងគ្រប់គ្រងគម្រោងអាជីវកម្មស្រដៀងគ្នានេះ នៅទូទាំងពិភពលោក  ក៏ដូចជាគម្រោងនៅប្រទេស វៀតណាម បង់ក្លាដែស និង ចិន។

ក្រុមហ៊ុននេះប្រើប្រាស់បច្ចេកវិទ្យាទំនើបចុងក្រោយបំផុត និងគោលការណ៍ការពារបរិស្ថាន ដើម្បីធានាថា កសិដ្ឋានរបស់ខ្លួនដំណើរការប្រកបដោយចីរភាព ​និងផលិតផលទឹកដោះគោរបស់ខ្លួន ត្រូវបានផលិតឡើងស្របទៅតាមស្តង់ដារអន្តរជាតិខ្ពស់បំផុត​​ ដើម្បីធានាទំាងអនាម័យ និងគុណភាពផលិតផល។

លោក ជី សិលា ដៃគូសហស្ថាបនិក ក្រុមហ៊ុន Khmer Fresh Milk បានឲ្យដឹងថា ទោះបីមានការព្រួយបារម្ភ អំពីផលប៉ះពាល់ នៃវីរសុកូវីដ-១៩ ទៅលើសុខភាព និងវិបុលភាពនៅប្រទេសកម្ពុជាក៏ដោយ ក៏ក្រុមការងារកសិដ្ឋាននេះ មិនដែលគិតចង់ពន្យារពេលបើកដំណើរគម្រោងអាជីវកម្មនេះឡើយ សូម្បីតែម្ដង ហើយ ការបង្កើតស្តង់ដារថ្មីសម្រាប់កសិកម្ម និងផ្ដល់អាហារូបត្ថម្ភកាន់តែល្អ នៅកម្ពុជា។

លោក សិលា បានមានប្រសាសន៍ថា ៖ 

បុគ្គលិកភាគច្រើនរបស់កសិដ្ឋាននេះ គឺជាប្រជាពលរដ្ឋក្នុងមូលដ្ឋានផ្ទាល់តែម្ដង ហើយក្រុមហ៊ុនបានឲ្យដឹងថាខ្លួននឹងចែកចាយទឹកដោះគោសុទ្ធដោយឥតគិតថ្លៃពីកសិដ្ឋាននេះ ជូនដល់ក្រុមគ្រួសារ និងមន្ត្រីរាជការក្នុងមូលដ្ឋាន ដើម្បីចូលរួមជាជំនួយពីផលប៉ះពាល់នៃវិបត្តិ កូវីដ-១៩ និងដើម្បីជាការតបស្នងសងគុណចំពោះប្រជាពលរដ្ឋមូលដ្ឋាន  ដែលបានគាំទ្រដល់កសិដ្ឋាននេះ។

លោក ជី សិលា  បាននិយាយថា៖

ផលិតផលពីកសិដ្ឋាន គិរីសួគ៌ (Kirisu) នឹងគ្រោងដាក់លក់ទឹកដោះសុទ្ធធម្មជាតិ និងយ៉ាអួរស្រស់របស់ខ្លួន នៅតាមផ្សារទំនើប មីនីម៉ាត ភោជនីយដ្ឋាន និងហាងកាហ្វេនានា នាពេលខ្លីខាងមុខនេះ៕​