ហេតុអ្វី BERING ដាក់ឈ្មោះឱ្យខូឡិកហ្សិនថ្មីថា « True Aurora »?

//s5.kh1.co/35/35c601afe4b5bff8972e8a391cd14bdb547ed864.jpg

បច្ចេកវិទ្យា

០៧-កក្កដា-២០២០ ១ល្ងាច · ៤ ឆ្នាំមុន

ភ្នំពេញ៖ អ្នកប្រកដជាមិនអាចស្រម៉ៃអំពីទិដ្ឋភាពនៃពន្លឺ Aurora ឃើញទេ ប្រសិនបើមិនបានឃើញផ្ទាល់ភ្នែក ព្រោះថាមេឃវាមិនខ្មៅងងឹតដូចពេលយប់ធម្មតា តែវាមានពន្លឺភ្លឺចម្រុះពណ៌ទៅវិញ។ ដោយពណ៌ លឿង - បៃតង - ខៀវ - និងក្រហមបានជះពន្លឺពេញអាកាស ប្រៀបបានដូចជាស្បៃរាត្រី ដែលពោរពេញដោយ អាថ៌កំបាំង! វេទមន្ត! និងភាពអស្ចារ្យ!

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទស្សនីយភាពធម្មជាតិនៃតំបន់ប៉ូលភាគខាងជើង ឬអ្នកវិទ្យាសាស្រ្តហៅថា អារូរ៉ា បូរីស (Aurora Borealis) នេះ វាជាបាតុភូតដ៏អស្ចារ្យមួយដែលជម្រុញឱ្យ BERING បង្កើតឡើងនូវខូឡិកហ្សិននាឡិកា ដែលមានរូបរាងថ្មី ប្លែកខុសពីម៉ូតមុនៗ។

ពណ៌យ៉ាងស្រស់ស្អាត និងភ្លឺចែងចាំងមើលទៅដូចជាគំនូរគូសលើផ្ទៃមេឃដូចវេទមន្ត បានធ្វើឱ្យអ្នកឌីហ្សាញម៉ូតរបស់ BERING ទាញយកពណ៌ទាំងនោះមកធ្វើជាគំនិត រួចបង្កើតបានជានាឡិកាដៃម៉ូតថ្មីយ៉ាងស្រស់ស្អាតជាច្រើនពណ៌ និងមានរូបរាងទាន់សម័យ ជាមួយលក្ខណៈពិសេសដោយ លេខ និងទ្រនិចរបស់នាឡិកានឹងបញ្ចេញពន្លឺពណ៌ខៀវភ្លឺនៅពេលដែលអ្នកនៅកន្លែងងងឹត។

BERING ទទួលបានជោគជ័យយ៉ាងខ្លាំងសម្រាប់ខូឡិកថ្មីចម្រុះពណ៌មួយនេះ ព្រោះពណ៌នីមួយៗលក់ដាច់ និងទទួលបានការគាំទ្រជាខ្លាំង ពិសេសពណ៌ខៀវ និងពណ៌ក្រហម។ ម៉ូតនេះដែរត្រូវបានគេសង្កេតឃើញថា មានការពេញនិយមទូទាំងពិភពលោក តាមរយៈការចូលចិត្តនូវភាពស្រស់ស្អាត និងពណ៌ស្រស់ៗ ដែលផ្តល់នូវភាពវិជ្ជមាន និងសប្បាយរីករាយ។

BERING ពង្រីកខូឡិកហ្សិន TRUE AURORA នេះឡើង ដោយផលិតចេញនូវពណ៌ជាច្រើន មានលក្ខណៈទាន់សម័យបែបកីឡា និងអាចទាក់ទាញចិត្តអតិថិជន បានតាមរយៈខ្សែស៊ីលីខូនដ៏ទន់ ហើយស្រាល មានគុណភាពខ្ពស់ ជាមួយនិងកញ្ចក់ត្បូងកណ្តៀង ព្រមទាំងក្បាលនាឡិកាដែលធ្វើឡើងពីអាលុយមីញ៉ូម។

BERING ត្រូវបានទទួលស្គាល់ជាអន្តរជាតិសម្រាប់ការរចនាដ៏ប៊ុិនប្រសព្វដកស្រង់ចេញ ពីសម្រស់ធម្មជាតិជុំវិញខ្លួន និងចក្ខុវិស័យច្បាស់លាស់ ជាមួយអត្តសញ្ញាណពិសេស ដែលឆ្លុះបញ្ចាំងនៅក្នុងខូឡិកហ្សិននាឡិកា និងគ្រឿងអលង្ការរបស់ពួកគេ។