ភ្ញាក់ផ្អើលខ្លាំង! ក្មេងស្រីវ័យជំទង់អាយុ១៣ឆ្នាំ មានផ្ទៃពោះ ជាមួយគូស្នេហ៍ ជាក្មេងប្រុស អាយុ១០ឆ្នាំ???

បរទេស៖ ផ្ទុះភាពភ្ញាក់ផ្អើលយ៉ាងខ្លាំង ចំពោះក្មេងស្រីវ័យជំទង់ ដែលទើបតែមានអាយុ ១៣ឆ្នាំម្នាក់ ដែលមានឈ្មោះថា Darya មកពីទីក្រុង Zheleznogorsk ប្រទេសរុស្ស៊ី ដែលបានបង្ហាញខ្លួនក្នុងកម្មវិធីទូរទស្សន៍ហើយ ថែមទាំងអះអាងថា នាងមានផ្ទៃពោះ ជាមួយនឹងក្មេងប្រុសអាយុ ១០ ឆ្នាំ មានឈ្មោះថា Ivan ដែលជាមិត្តប្រុសរបស់ខ្លួន។

​ក្នុងនោះដែរ បានបង្ហើបថា Darya និង Ivan បានស្រលាញ់គ្នា បន្ទាប់មក ក៏មានការរួមភេទដោយស្ម័គ្រចិត្ត ប៉ុន្តែអ្នកទាំងពីរ មិនគិតថានឹងមានផ្ទៃពោះនោះទេ ព្រោះពួកគេទាំងពីរនាក់ សុទ្ធតែជាកុមារ លើសពីនេះទៅទៀត នាងក៏មិនគិតថា ក្មេងប្រុស​អាយុ ១០ម្នាក់អាចធ្វើទៅបាន។ ដោយឡែក Darya ក៏បានអះអាងថា នាងមិនដែលរួមភេទជាមួយបុរសផ្សេងទេ ដូច្នេះ មានតែ Ivan ហើយដែលជាឪពុកកូនក្នុងផ្ទៃរបស់នាង ចំណែកឯខាងប្រុសវិញ ក៏បាននិយាយថា នឹងមើលថែកូនក្នុងផ្ទៃជាមួយនាង ផងដែរ ។

តែទោះជាយ៉ាងណា សម្រាប់រឿងនេះផ្ទាល់ បានធ្វើឲ្យវេជ្ជបណ្ឌិតដ៏ល្បីម្នាក់ ឈ្មោះថា Evgeny Grekov មិនជឿពាក្យសម្ដីរបស់ Daryna ឡើយ ហើយលោកថែមទាំងបានពិនិត្យទៅលើខ្លួនប្រាណរបស់​ Ivan ក៏បានឃើញថា ក្មេងប្រុសម្នាក់នេះ គ្មានមេជីវិតឈ្មោលនោះទេ ដែលមានន័យថា គាត់មិនអាចមានកូនបានទេ។

តែអ្វីដែលនឹកស្មានមិនដល់ នៅពេលដែលគ្រប់យ៉ាងកំពុងតែជិតបញ្ចប់ទៅហើយ ស្រាប់តែ កាលពីថ្មីៗនេះ Darya បានចែករំលែកភ្លាមៗ នៅលើបណ្តាញសង្គម ពីការពិតដ៏គួរឱ្យភ្ញាក់ផ្អើល អំពីរឿងក្មេងនៅក្នុងផ្ទៃរបស់នាង  ដោយនាងបាន អះអាងសារជាថ្មីថា Ivan មិនមែនជា ឪពុករបស់ក្មេងនោះទេ ហើយតាមពិតទៅ គឺ នាងត្រូវបានក្មេងប្រុសអាយុ១៦ឆ្នាំ ម្នាក់ ចាប់រំលោភ។

ក្នុងនោះ នាងបានបង្ហើបថា នេះជារឿងដ៏ឈឺចាប់សម្រាប់នាង ហើយនាងមិនអាចបង្ហាញការពិតអស់រយៈពេលជាយូរមកហើយដោយសារតែសម្ពាធ និងការភ័យខ្លាចខ្លាំងពេក តែទោះជាយ៉ាងណាក៏ដោយ ការរក្សាការសម្ងាត់ ធ្វើឱ្យនាងរឹតតែពិបាក ដូច្នេះហើយទើប នាងសម្រេចចិត្តនិយាយចេញមក។ ដោយឡែក ខាងប៉ូលីស និងអ្នកស៊ើបអង្កេត នៅទីក្រុងមូស្គូ ប្រទេសរុស្ស៊ី កំពុងតែស៊ើបអង្កេតពីបញ្ហានេះ ពួកគេក៏បានពិចារណា ទៅលើការធ្វើតេស្ត៍ DNA របស់ទារក ក្រោយពេលកើត ដើម្បីរកឱ្យឃើញអត្តសញ្ញាណរបស់ឪពុកក្មេង៕

សូមទស្សនារូបភាពខាងក្រោម៖