មហាសេដ្ឋីចិនលោក ជែក ម៉ា បានចូលរួមបរិច្ចាគសម្ភារវេជ្ជសាស្ត្រ​ជាច្រើនឱ្យទៅប្រទេសនៅទ្វីបអាហ្វ្រិក

បរទេស៖ ​ស្ថាបនិកក្រុមហ៊ុន​ អាលីបាបា លោក​ ជែក ម៉ា បាន​បរិច្ចាគសម្ភារវេជ្ជសាស្ត្រ​​ជាច្រើនទៅ​ដល់បណ្តាប្រទេសនៅក្នុងទ្វីបអាហ្រិក ដែលកំពុងរងគ្រោះដោយជំងឺកូវីត-១៩។

ជំនួយរបស់លោក ត្រូវបានបញ្ចូនទៅដល់​ប្រទេសអេត្យូពីក្នុងទ្វីបអាហ្រិកកាលពីថ្ងៃអាទិត្យកន្លងទៅ ដែលក្នុងនោះមានដូចជា ឧបករណ៍ធ្វើតេស្តចំនួន ១,១ លាន ​ម៉ាសចំនួន ៦ លាន និង​ឈុតការពារចំនួន ៦ ម៉ឺន។ ហើយសម្ភារវេជ្ជសាស្ត្រទាំងអស់នោះ ក៏នឹងត្រូវបន្តចែកចាយទៅដល់ប្រទេស​មួយចំនួនទៀតនៅថ្ងៃច័ន្ទនេះដែរ។

គួរជម្រាបផងដែរថា ក្រៅពីជំនួយទៅប្រទេសនៅក្នុងទ្វីបអាហ្រិក មហាសេដ្ឋីចិនរូបនេះក៏បានចូលរួមបរិច្ចាគសម្ភារវេជ្ជសាស្ត្រ​ជាច្រើន​ មកដល់បណ្តាប្រទេសនៅទ្វីបអាស៊ីយើងផងដែរ ដែលរួមមាន ប្រទេសកម្ពុជា បង់ក្លាដេស ឡាវ ម៉ាល់ឌីវ ម៉ង់ហ្គោលី មីយ៉ាន់ម៉ា នេប៉ាល់ ប៉ាគីស្ថាន ស្រីលង្ការ៕