ក្រសួងសុខាភិបាលប្រកាស រកឃើញករណីអ្នកផ្ទុកវីរុស Covid-19 ២ករណីទៀត នៅរាជធានីភ្នំពេញម្សិលមិញ

ភ្នំពេញ៖ កាលពីល្ងាចម្សិលមិញនេះ មានការភ្ញាក់ផ្អើលយ៉ាងខ្លាំងក្រោយទទួលបានដំណឹងដ៏ក្តៅគគក់ ក្រោយសេចក្តីប្រកាសរបស់ក្រសួងសុខាភិបាល បានរកឃើញករណីវិជ្ជមានមេរោគ Covid-19 ចំនួន២ករណីទៀត នៅរាជធានីភ្នំពេញ នៅលើបុរសជនជាតិកាណាដា វ័យ៤៩ឆ្នាំ និងជនជាតិប៊ែលហ្សិក អាយុ៣៣ឆ្នាំ។

ដំណឹងមួយនេះ ពិតជាធ្វើឲ្យមហាជនមានការព្រួយបារម្ភយ៉ាងខ្លាំង ព្រោះមិននឹកស្មានថាពេលនេះករណីវីរុសនេះបានរាលដាល មកដល់ក្រុងភ្នំពេញហើយចំនួន២ករណី ដែលពេលនេះខាងអ្នកជំនាញ បានបញ្ជូលពួកគេដាក់ព្យាបាលនៅមន្ទីរមិត្តភាពខ្មែរ-សូវៀត ស្របពេលដែលអ្នកជំនាញ កំពុងតែស្រាវជ្រាវរកអ្នកប៉ះពាល់ដោយផ្ទាល់ និងប្រយោល ជនបរទេសទាំង២រូបនេះ។

ហេតុដូច្នេះហើយ ប្រិយមិត្តទាំងអស់គួរតែការពារខ្លួនឯងឲ្យបានគ្រប់ៗគ្នា កុំឲ្យមានបញ្ហាទាំងនេះកើតឡើង ដោយត្រូវលាងដៃឲ្យបានញញឹកញាប់ ពាក់ម៉ាស់រាល់ពេលចេញក្រៅ ប្រើប្រាស់ និងសម្អាតដៃមុនបរិភោគអាហារ ឬក្រោយកាន់របស់ជាច្រើននៅតាមទីសាធារណៈ​ដែលយើងមើលវីរុសពុំឃើញ៕