ហុងកុង៖ យោងតាមគេហទំព័រសារព័ត៌មាន scmp បានឱ្យដឹងថា ស្ត្រីបម្រើការតាមផ្ទះម្នាក់ ដែលមានចៅហ្វាយនាយជាអ្នកជំងឺផ្ទុកវីរុសកូរ៉ូណា ពេលនេះត្រូវបានក្រុមវេជ្ជបណ្ឌិតធ្វើតេស្តរកឃើញថាគាត់ក៏បានឆ្លងវីរុសកូរ៉ូណាដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបច្ចុប្បន្នអ្នកជំងឺដែលជាស្ត្រីបម្រើការតាមផ្ទះខាងលើ កំពុងទទួលការព្យាបាលនៅមន្ទីរពេទ្យ Pamela Youde Nethersole ខាងកើតសង្កាត់ឆៃវ៉ានទីក្រុងហុងកុង។ ប្រភពព័ត៌មានដដែលបានឱ្យដឹងទៀតថា ដំបូងឡើយក្រុមវេជ្ជបណ្ឌិតបានធ្វើតេស្តរកវីរុសកូរ៉ូណានៅលើខ្លួនគាត់ ប៉ុន្តែមិនបានឃើញអ្វីនោះទេ ស្រាប់រយៈ៣ថ្ងៃក្រោយមក គាត់ចាប់ផ្តើមមានអាការៈក្អកខ្លាំងហើយគ្រុនញាក់ ពេលនោះហើយទើបក្រុមវេជ្ជបណ្ឌិតរកឃើញថាគាត់បានឆ្លងវីរុសកូរ៉ុណា។
គួរបញ្ជាក់ផងដែរថា កន្លងមកចៅហ្វាយនាយរបស់ស្ត្រីបម្រើការតាមផ្ទះខាងលើ ធ្លាប់បានទៅទទួលទានអាហារនៅភោជនីដ្ឋានអាហារសមុទ្រមួយកន្លែង ដែលអ្នកចូលរួមចំនួន ២៩ នាក់។ ហើយក្នុងចំណោមនោះមានអ្នកជំងឺ ៥នាក់ ត្រូវបានក្រុមវេជ្ជបណ្ឌិតធ្វើរោគវិនិច្ឆ័យឃើញថាមានផ្ទុកវីរុសដ៏កាចសាហាវនេះ៕