អេស្ប៉ាញ៖ កំពូលខ្សែប្រយុទ្ធ Lionel Messi បានបដិសេធគំនិតរបស់ Barcelona ដែលចង់បានយុវជនវ័យក្មេងរបស់ Red Bull Salzburg កីឡាករខ្សែប្រយុទ្ធ Erling Braut Haaland នៅទីផ្សារដោះដូរកីឡាករខាងមុខ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជម្រើសជាតិន័រវេស Haaland ធ្វើបានយ៉ាងល្អនៅរដូវកាលនេះជាមួយ Red Bull Salzburg ដោយអាចរកគ្រាប់បាល់ដល់ទៅ១១គ្រាប់ក្នុងចំណោមការបង្ហាញខ្លួន៨ប្រកួត។ ជាពិសេសនេះគឺគេរកបាន Hat-Trick អំឡុងការប្រកួតជាមួយ Genk ក្នុងការប្រកួតពានរង្វាន់ UEFA Champions League។
ក្រោយបង្ហាញទម្រង់លេចធ្លោដូច្នេះ Haaland ត្រូវបានបណ្ដាក្លិបធំៗជាច្រើននៅអឹរ៉ុបចាប់អារម្មណ៍ចង់បានរូបគេ ក្នុងនោះក៏មានក្លិបអ្នកមានបុណ្យ Barcelona មួយដែរ ដែលចង់បានកីឡាករកើតឆ្នាំ២០០០រូបនេះ។
យ៉ាងណាបើតាមប្រភពពីក្នុងប្រទេសអេស្ប៉ាញ កំពូលកីឡាករ Lionel Messi មិនសប្បាយចិត្តក្នុងការមាន Haaland ជាមិត្តរួមក្រុមនោះទេ ដោយខ្សែប្រយុទ្ធជម្រើសជាតិអាហ្សង់ទីនរូបនេះជឿថាស្ទីលលេងរបស់ Haaland មិនត្រូវនឹងរបៀបលេងរបស់ Barcelona។
បើទោះបីទើបតែចំណាយលុយ ១០៨លានផោនក្នុងការទិញខ្សែប្រយុទ្ធ Antoine Griezmann មកពង្រឹងតំបន់ខាងលើរបស់ក្រុមពិតមែន ប៉ុន្តែអ្នកចាត់ការទូទៅរបស់ Barcelona លោក Ernesto Valverde នៅតែបន្តសម្លឹងមើលខ្សែប្រយុទ្ធផ្សេងទៀតដើម្បីទុកមកជំនួសកន្លែងរបស់ Luis Suarez។
គួរឲ្យដឹងដែរថាបណ្ដាក្លិបធំៗនៅអឺរ៉ុបដែលចាប់អារម្មណ៍ចង់បានយុវជន Haaland រួមមានបងប្អូនត្រកូល Manchester ទាំងពីរគឺ Manchester City, Manchester United ព្រមទាំង Juventus និង Real Madrid៕
ប្រភព៖ SportsMole