កិត្តិយសណាស់ ! Facebook ផ្លូវការរបស់ Arsenal សរសេរភាសាខ្មែរលើកដំបូងក្នុងប្រវត្តិសាស្ត្រ អំពីដៃគូផ្លូវការជាមួយ GANZBERG!

ភ្នំពេញ៖ កាលពីពេលថ្មីៗកន្លងទៅនេះ ផេកផ្លូវការរបស់ក្លឹប Arsenal នៅអង់គ្លេសស្រាប់តែបានផុសជាភាសាខ្មែរ ដើម្បីចូលរួមអបអរសាទរលើកិច្ចព្រមព្រៀងចុះហត្ថលេខាលើភាពជាដៃគូផ្លូវការរបស់ Arsenal ជាមួយស្រាបៀរ Ganzberg Beer នៅទីក្រុងភ្នំពេញ កាលពីថ្ងៃទី ៧ កញ្ញា ២០១៩ នេះ។

ដោយនៅលើផេកអន្តរជាតិមួយនេះ បានសរសេររៀបរាប់ជាអក្សរខ្មែរ ភ្ជាប់ជាមួយនឹងរូបភាពក្នុងពិធីចុះហត្ថលេខាភាពជាដៃគូផ្លូវការជាមួយស្រាបៀរ Ganzberg Beer យ៉ាងដូច្នេះថា៖

ហើយនេះក៏ជាលើកទី១ ដែលផេកអន្តរជាតិមួយនេះបានចុះផ្សាយជាអក្សរខ្មែរយើង បន្ទាប់ពីមានការសហការ និងចុះកិច្ចព្រមព្រៀងជាផ្លូវការជាមួយស្រាបៀរ Ganzberg។

ទន្ទឹមនឹងនេះដែរ ក្រុមអ្នកគាំទ្រ Arsenal Cambodia ក៏បានសម្តែងនូវភាពរីករាយអបអរសាទរយ៉ាងខ្លាំង នៅពេលដែលបានឃើញស្រារបៀរកម្រិតពិភពលោក Ganzberg បានក្លាយទៅជាដៃគូផ្លូវការរបស់ក្លឹបបាល់ទាត់កាំភ្លើងធំ Arsenal ហើយបានពាំនាំភាពនូវក្តីរំភើប​រីករាយ ក្តីស្រមៃ​ និងទិដ្ឋភាព​ ដែលមិនអាចបំភ្លេចបាន​មកដល់អ្នកគាំទ្រកាំភ្លើងធំ Arsenal នៅកម្ពុជា​។ ហើយពួកគេក៏សង្ឃឹមថា​ ក្រុមហ៊ុន Ganzberg នឹងនាំ​វីរបុរស​ និងកីឡាករក្រុម Arsenal ផ្សេងៗទៀតមកកម្ពុជា នាពេលឆាប់ៗដ៏ខ្លីខាងមុខនេះបន្តទៀត​ផងដែរ។

គួរបញ្ជាក់ផងដែរថា Arsenal  គឺជាក្លឹបបាល់ទាត់ពិភពលោកដ៏ល្បីល្បាញ ដែលបានឈ្នះ​បានពានធំៗជាច្រើននៅទ្វីបអឺរ៉ុប មានអ្នកគាំទ្រយ៉ាងច្រើនលើសលុបពាសពេញ​ពិភពលោក សាកសមជាដៃគូលំដាប់ពិភពលោកជាមួយក្រុមហ៊ុនស្រាបៀរ GANZBERG ជាស្រាបៀរគុណភាពកម្រិតពិភពលោក ផលិតឡើងដោយជនជាតិអាល្លឺម៉ង់ ដែលបានសាងកំណត់ត្រាយ៉ាង​អស្ចារ្យ​បំផុតឈ្នះមេដាយមាសបីឆ្នាំផ្ទួនៗ ២០១៧ ២០១៨ ២០១៩ ពីស្ថាប័នកំពូល Monde Selection ​ប្រដូចនឹងពាក្យពេជន៍ដ៏វិសេសវិសាល “GANZBERG គុណភាពកម្រិតពិភពលោកដៃគូកម្រិតពិភពលោក”៕