ខេត្តព្រះសីហនុ៖ សេចក្តីរាយការណ៍បឋមឱ្យដឹងថា មនុស្ស៣នាក់បានស្លាប់ភ្លាមនៅនឹងកន្លែង និង២នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍រវាងរថយន្តធុនធំ និងម៉ូតូ កើតឡើងថ្ងៃត្រង់ថ្ងៃទី២៣ សីហា នេះ ស្ថិតត្រង់លើផ្លូវឯករាជ្យ ចំណុចផ្កាឈូកវិមានឯករាជ្យ ក្នុងភូមិ២ សង្កាត់លេខ៣ ក្រុងព្រះសីហនុ ដោយគេដឹងថា បង្កឡើងដោយភាគីខាងរថយន្ត ហើយអ្នកបើកបរបានដាក់មេប្រូចរត់បាត់ស្រមោល ដែលហេតុការណ៍បង្កការភ្ញាក់ផ្អើលមនុស្សមកចោមរោមមើល ហើយពិសេសនោះ អ្វីដែលកាន់តែក្តុកក្ឌួល គឺសាច់ញាតិជនរងគ្រោះស្រែកយំឡើងទ្រហឹង នៅពេលបាត់បង់ជីវិតគ្រួសាររបស់គាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសេចក្តីរាយការន៍បន្តថា រថយន្តធុនធំខាងលើ ម៉ាកហ៊ីយ៉ាន់ដាយ ពាក់ផ្លាកលេខព្រះសីហនុ3A-2331 អ្នកបើកបរមិនស្គាល់អត្តសញ្ញាណ តែរថយន្តត្រូវគេដឹងជាកម្មសិទ្ធិរបស់ក្រុមហ៊ុន រាជសីហ៍ ឡូជីស្ទីក ។ ដោយឡែកភាគីខាងម៉ូតូម៉ាកវ៉េវ គ្មានផ្លាកលេខជិះគ្នា៥នាក់ (សុទ្ធតែក្មេង) ។ ក្នុងនោះ មានស្រីម្នាក់ជាឌុប ។
ប្រភពបន្តថា បច្ចុប្បន្ន អ្នករងរបួសត្រូវបានដឹកបញ្ជូនទភសង្គ្រោះនៅមន្ទីរពេទ្យបង្អែកខេត្តព្រះសីហនុ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត៕
ប្រភព៖ កោះសន្តិភាព
Bong I.T