កំណាព្យដោយប្រិយមិត្ត ប៊ុនរិទ្ធ ៖ បណ្តាំក្រមង៉ុយ

បណ្តាំក្រមង៉ុយ

កើតជាកូនប្រុសយើងត្រូវចេះច្បាប់ ដើមទ្រូងប្រាំហត្ថតាង៉ុយបានផ្តាំ

ដេកដើរឈអង្គុយត្រូវតែចងចាំ ងាកឆ្វេងបែរស្តាំត្រូវចាំជានិច្ច ។

លោកថាប្រពន្ធដើមជាស្រូវជង្រុក ឯស្រីកំប៉ិកកំប៉ុកជាអង្កកំប៉ុង

បើលួចខិលខូចកុំធ្លោយខ្លួនស្លុង ត្រូវចោលអាកំប៉ុងមកឱបជង្រុក ។

បើមានប្រពន្ធមួយមិនព្រួយរឿងស៊ី ជ្រុលមានប្រពន្ធពីរគឺវាលំបាកខ្លួន

បើចង់ស្រណុកត្រូវយកអោយគ្រប់បួន សប្បាយភ្លេចខ្លួនដូចសត្វប្រឡាំងកាស។

ឯរឿងផឹកស៊ីសប្បាយចូលបា គេតែងបញ្ចើចថាជាចរិតកូនប្រុស

ញ្ញៀនល្បែងស្រីស្រាវាពិតជាខុស តែសប្បាយខ្លះចុះចេះចាយចេះរក ។

បានបួសជាសង្យូដូចសងគុណម្តាយ ខិលខូចកើតស្វាយវាអាប់មុខឪពុក

ថ្នាំញៀននិងអេដស៍ត្រូវចងចាំទុក វេទនាបំផុតដូចស្លាប់ទាំងរស់ ។

មិនចេះផឹកស្រាកុំផឹកកំហុក ចាក់ចោលក្រោមតុស្រណោះអ្នកទិញ

អស់កាន់តែច្រើនចំណេញឯចិន ផឹកតិចៗវិញវាជួយសសៃ ។

ផឹកស្រារាល់ថ្ងៃគឺវាប៉ូវថ្លើម ជក់ថែមម្តើមៗគឺវាប៉ូវសួត

បើចង់សប្បាយកុំប្រើម៉ាឆ្កួត ខួរក្បាលថ្លើមសួតវាឆ្កួតទាំងអស់ ។

បើធ្វើអាចារ្យកុំអោយចោលស្រាក់ ហាសិបជាក់ច្បាស់ចាំទៅបួស

បើជ្រុលដល់ហុកក៍វាមិនហួស យើងអាចទៅបួសបានដូចតែគ្នា ។

Khmerload