វីដេអូ៖ រពឹសពេកលេងធុងទឹក រហូតដល់ជាប់គំរបដែកមិនអាចដោះចេញរួច

ក្មេងស្រីដែលមានអាយុ១០ឆ្នាំ ត្រូវបានទទួលរងនូវការឈឺចាប់ជាខ្លាំង ក៏ព្រោះតែនាងចង់ដោះនូវ គំរបដែករបស់ធុងទឹក ដែលបានជាប់នៅម្រាមដៃរបស់នាង ដែលវាមានលក្ខណៈដូចជា ការពាក់ចិញ្ចៀនដែលតឹង មិនអាចដោះរួច។ ។

គំរបដែកនៃធុងទឹកទឹកនេះ បានជាប់យ៉ាងខ្លាំងនៅម្រាមដៃរបស់នាង ដែលធ្វើឲ្យនាងមិនអាចដោះវាចេញបាន ដែលហេតុការណ៍នេះបានកើត ឡើងកាលពីថ្ងៃសៅរ៍ នៅក្នុងទីក្រុង Mishan ភាពខាងជើងឆៀងខាងកើតនៃខេត្ដ Heilongjiang ក្នុងប្រទេសចិន។

ក្មេងស្រីនេះត្រូវបានគេស្គាល់ឈ្មោះថា Zhao Jiaqi ។ នាងបានលេងធុងទឹកនោះតែម្នាក់ នៅពេលដែលម្ដាយឪពុករបស់នាង ចេញទៅក្រៅ។ នៅក្នុងនោះម្រាមដៃមួយ ត្រូវបានជាប់នូវគំរបធុងទឹក ដែលដូចជានាងពាក់ចិញ្ចៀន នៅពេលល្ងាច។ អ្នកពន្លត់អគ្គិភ័យ បានដល់ភ្លាមៗនៅពេលដែលកើតហេតុ និងបានប្រើកន្ដ្រៃ រួមនិងដង្កាប់ មកកាត់គំរបដែកនោះចេញ។ ប្រហែលជា ១០នាទី ទើបគេអាចដោះរបស់នោះចេញបាន ពីដៃរបស់នាង។ យោងទៅតាមអ្នកពន្លត់អគ្គិភ័យ បាននិយាយថា ម្រាមដៃរបស់ក្មេងស្រី បានដាច់រលាត់ និងឈឺចាប់ដោយសារតែការប្រើ កន្ដ្រៃនិងដង្កាប់។

ដូចនេះសូមយកចិត្ដទុកដាក់មើល ថែរក្សាក្មេងៗដែលនៅក្នុងផ្ទះរបស់អ្នក ព្រោះពេលខ្លះវារពឹស និងអាចបង្កឲ្យមានគ្រោះថ្នាក់ដល់ជីវិត។

សូមប្រិយមិត្ដទស្សនាវីដេអូទាំងអស់គ្នា៖ 

កែសម្រួលដោយ ម៉ា

ខ្មែរឡូត