ភ្នំពេញ ៖ គ្រោះថ្នាក់ចរាចរមួយ បាន កើតឡើងរវាងរថយន្ដម៉ាក កាមរីស៊េរីទំនើប តម្លៃរាប់ម៉ឺនដុល្លារបានបើកបុកម៉ូតូ ម៉ាកគុប កញ្ចាស់មួយ គ្រឿងតម្លៃសឹង មិនដល់១០០ ដុល្លារ ត្រូវបានម្ចាស់រថយន្ដកាមរីសងលុយ បញ្ចប់រឿងទៅឱ្យម្ចាស់ម៉ូតូ ចំនួន១៧០ដុល្លារ ជាថ្លៃការខូចខាតម៉ូតូនិងរបួសម្ចាស់ម៉ូតូដោយ មិនចាំបាច់ទុកយូរនាំតែសមត្ថកិច្ចអូសយក ទៅដោះស្រាយនៅកន្លែងប៉ុស្ដិ៍នោះទេ។
គ្រោះថ្នាក់ចរាចរដែលបញ្ចប់ទៅត្រឹមទឹក ប្រាក់ចំនួន១៧០ដុល្លារ ដែលមើលទៅហួស តម្លៃម៉ូតូទៅទៀតនោះបានកើតឡើង កាល ពីវេលា៩និង២០នាទីយប់ថ្ងៃទី១៤ ខែសីហា ឆ្នាំ២០១២ ស្ថិតនៅលើកំណាត់ផ្លូវព្រះនរោត្ដម កែងផ្លូវលេខ២៤០ សង្កាត់ចតុមុខ ខណ្ឌដូន ពេញ ។
យោងតាមប្រភពព័ត៌មានពីកន្លែងកើត ហេតុបានឱ្យដឹងថា មុនពេលកើតហេតុគេ បានឃើញរថយន្ដកាមរីស៊េរីទំនើបមួយគ្រឿង ពណ៌ស្ករ ពាក់ស្លាកលេខ ភ្នំពេញ 2U-6886 បើកបរក្នុងទិសដៅពីជើងទៅត្បូង ស្រាប់តែ ដល់ចំណុចកើតហេតុ ក៏បុកម៉ូតូម៉ាកគុបមួយ គ្រឿងពណ៌ខៀវ ពាក់ស្លាកលេខ ជ.៨៦០៧ ភព១ បណ្ដាលឱ្យម្ចាស់ម៉ូតូរងរបួសរីឯម៉ូតូ រងការខូចខាតផងដែរ។
ប្រភពព័ត៌មានបានបន្ដថា ម្ចាស់ម៉ូតូដែល រងគ្រោះថ្នាក់ខាងលើនេះ ត្រូវបានគេស្គាល់ថា មានឈ្មោះគឹម នួន អាយុ២៤ឆ្នាំ ជានិស្សិត នៅសាកលវិទ្យាល័យ បញ្ញាសាស្ដ្រ ដោយ ឡែកអ្នកបើករថយន្ដ មិនត្រូវបានគេស្គាល់ អត្ដសញ្ញាណនោះឡើយ ។
បើយោងតាមប្រភពព័ត៌មាន ដោយសារ តែមិនចង់វែងឆ្ងាយ រហូតដល់សមត្ថកិច្ចនាំ យករថយន្ដនិងម៉ូតូដែលមានតម្លៃខុសគ្នាដូច មេឃនិងដី ទៅដោះស្រាយនៅ កន្លែងប៉ុស្ដិ៍ នោះ ហើយម្យ៉ាងទៀត ដោយយល់ឃើញ ថា ខ្លួនជាអ្នកខុស ទើបម្ចាស់រថយន្ដបានដក លុយពីក្នុងហោប៉ៅ ចំនួន១៧០ដុល្លារសង ដល់ជនរងគ្រោះ ជាម្ចាស់ម៉ូតូ ដើម្បីយកទៅ ព្យាបាលរបួស និងជួសជុលម៉ូតូ៕
ដោយ ៖ គឹម ចន្ថា
ផ្តល់សិទ្ធដោយ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
