កីឡាករយូដូកម្ពុជា បរាជ័យក្រោមថ្វីដៃ កីឡាករម៉ិកស៊ីកូ

ក្រុងឡុងដ៍ៈ លោក វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជាបានថ្លែងប្រាប់មជ្ឈ មណ្ឌលព័ត៌មានដើមអម្ពិលតាមទូរស័ព្ទពីទីក្រុងឡុងដ៍ ថា កីឡាករយូដូកម្ពុជា ខុម រតនៈមុន្នី បាន ទទួលបរាជ័យ ក្រោមថ្វីដៃកីឡាករ ម៉ិកស៊ិកូ Nabor Castillo ដោយលទ្ធផល ០-១០ នាល្ងាចថ្ងៃសៅរ៍ ទី២៨ នេះ ។

ការប្រកួតបាន ធ្វើឡើងនាម៉ោង ៤និង០០នាទីថ្ងៃសៅរ៍ ទី២៨ ខែកក្កដា ឆ្នាំ២០១២ ជាការប្រកួតក្នុង ប្រភេទ ទម្ងន់ក្រោម ៦០គីឡូក្រាម ហើយក៏ជាការប្រកួតជម្រុះក្នុងវគ្គទី១ផងដែរ ។ កីឡាករណាចាញ់ នឹងត្រូវហាលអាវតែម្តង ។

តែយ៉ាងណាក៏ដោយ កម្ពុជានៅតែមានសង្ឃឹមផងដែរ ខណៈដែលប្រភេទកីឡាអត្តពលកម្ម តេក្វាន់ដូ និងហែលទឹកមិនទាន់បានធ្វើការប្រកួតនៅឡើយនោះទេ៕

ផ្តល់សិទ្ធដោយ ដើមអម្ពិល

ដោយៈ ធី ធេង