ក្តៅខ្លាំងពេក ក្មេង៦នាក់ ចុះហែលទឹក លង់ស្លាប់ ខណ:ដែល មនុស្ស ១,៤០០នាក់ហើយ ស្លាប់នៅឥណ្ឌា

ឥណ្ឌា៖ យ៉ាងហោចណាស់ ក្មេងៗនៅឥណ្ឌា ចំនួន៦នាក់ អាយុចន្លោះពី ៨ ទៅ ១៤ឆ្នាំ បានលង់ទឹក ស្លាប់បាត់បង់ជីវិត យ៉ាងអាណោចអាធ័ម ក្នុងពេលដែល ពួកគេចុះហែលទឹកលេង នៅជិតទំនប់ទឹក មួយកន្លែង ខណ:ដែលកម្តៅនៅក្នុងប្រទេសនេះ បានឆក់យកអាយុជីវិតមនុស្ស អស់ ១,៤០០ នាក់ រួចទៅហើយ បើយោងទៅតាមស្ថិតិ បានពីប្រភពព័ត៌មានចុះផ្សាយឲ្យដឹង កាលពី ២៨ ឧសភា ម្សិលមិញនេះ។

ប្រភពព័ត៌មាន ឲ្យដឹងថា ក្មេងៗជនជាតិឥណ្ឌា ដែលរងគ្រោះ ទាំង ៦នាក់ បានចុះទៅហែលទឹកលេង នៅជិតទំនប់ទឹក Lower Manair ស្ថិតនៅក្នុងភូមិ អាលូហ្គូណឺ របស់ទីក្រុង ការីមនេហ្គា ។ ក្មេងៗរងគ្រោះ បានបបួលគ្នាទៅហែលទឹក ក្នុងគោលបំណង បញ្ចុះកម្តៅក្នុងខ្លួនពួកគេ ក្នុងពេលដែល សីតុណ្ហភាព បានឡើងទៅដល់ ៤៨អង្សារសេ ឯណោះ។

 តាមការបញ្ជាក់បន្ថែម ពីប្រភពដដែល ឲ្យដឹងថា ក្នុងចំណោម ក្មេងទាំង ៦នាក់នោះ មានតែម្នាក់គត់ ដែលចេះហែលទឹក ហើយក្មេងដែលចេះហែលទឹកនោះស្លាប់ ត្រូវបានគេជឿជាក់ថា បណ្តាលមកពី ក្មេងនោះ ហក់ចុះទៅជួយ ក្មេងៗ ៥នាក់ទៀត ដែលបានចុះទៅហែលទឹកមុន ក្នុងខណ:ដែល ពួកគេ យល់ខុស នៃជម្រៅទឹកនៅកន្លែងកើតហេតុនោះ៕ សូមប្រិយមិត្តខ្មែរឡូត ទស្សនាកម្រងរូបភាព ខាងក្រោម៖

ទិដ្ឋភាពនៃការស្រង់សាកសព៖

ទិដ្ឋភាពក្មេងៗនៅឥណ្ឌា ងូតទឹក ឲ្យត្រជាក់ខ្លួន៖





យុវជនស្ម័គ្រចិត្ត ចែកទឹកផ្អែមៗ និង ត្រជាក់ៗ ដល់អ្នកដំណើរ៖

រូបភាពបន្ថែមផ្សេងៗ នៅឥណ្ឌា៖



ក្តៅខ្លាំងពេក រលាយជ័រកៅស៊ូលើផ្លូវថ្នល់

ប្រភព៖ Dailymail

ដោយ សី

ខ្មែរឡូត