ទាហានថៃ ឈរជើងទល់មុខ ច្រកបឹងត្រកួន ឃាត់យោធាខ្មែរ នៅយោធភូមិភាគទី៥ និងរថយន្ត ដឹកបដិមា ៣អង្គ

បន្ទាយមានជ័យ ៖ ទាហានថៃដែលឈរជើង នៅទល់មុខច្រកបឹងត្រកួន ខេត្តបន្ទាយមានជ័យ នៅល្ងាចថ្ងៃទី២៥ ខែមេសា ឆ្នាំ២០១៥នេះ បានឃាត់រថយន្តមួយគ្រឿង ដែលមានអ្នកបើកជាជនជាតិខ្មែរ លួចដឹករូបបដិមា ៣អង្គ រួចហើយប្រគល់អ្នកបើករថយន្ត ដែលជាមន្រ្តី យោធា បម្រើការងារនៅ យោធភូមិភាគទី៥ និងរថយន្ត មកឲ្យនគរបាលនៅប៉ុស្តិ៍ បឹងត្រកួន រីឯរូបបដិមា ត្រូវភាគីថៃរក្សា ទុកនៅទីនោះ ។

មន្រ្តីនគរបាលនៅប៉ុស្តិ៍បឹងត្រកួន បានឲ្យដឹងថា ទាហានថៃបានប្រគល់រថយន្ត និងអ្នកបើកជាជនជាតិខ្មែរ ឈ្មោះ សឿន អឿន ជាមន្រ្តីស៊ើបការណ៍ ស្រាវជ្រាវនៃយោធភូមិភាគទី៥ ខណៈដែលរូបបដិមា ត្រូវបានពួកគេរក្សាទុកនៅទីនោះ។

បច្ចុប្បន្នអ្នកបើករថយន្តរូបនេះ ត្រូវបានសមត្ថកិច្ចយកទៅសួរនាំ និងមានវិធានការតាមផ្លូវច្បាប់ បន្តទៀត៕