រាជធានីភ្នំពេញ ៖ ស្នេហាខុសតម្រា នារីម្នាក់បានតែងខ្លួនធ្វើជាមនុស្សប្រុស ហើយបាន ព្យាយាមរត់ ចូលរថយន្ត ប៉ងសម្លាប់ខ្លួន ព្រោះតែ ខឹងស្រីស្នេហ៍ បែកចិត្ត នៅវេលាម៉ោង ១និង២០ នាទីអាធ្រាត្រ ឈានចូលថ្ងៃទី០១ ខែមេសា ឆ្នាំ២០១៥ នៅតាម បណ្តោយផ្លូវ លេខ២១៥ ក្នុងសង្កាត់វាលវង់ ខណ្ឌ៧មករា នៅទល់ មុខប៉ុស្តិ៍ផ្សារដើមគ ។
សាក្សីឃើញហេតុការណ៍បានឲ្យដឹងថានៅមុនពេលកើតហេតុគេឃើញ នារីដែល តែងខ្លូនធ្វើ មនុស្សប្រុស ( លេសស្បៀន) បានឈរ និយាយទូរស័ព្ទ នៅតាមដងនៅកន្លែង កើតហេតុ ខាងលើ ដោយនិយាយ ជាមួយនារីម្នាក់ ទៀតដែលអះអាង ថាជាសង្សារ បស់នាង ក្រោយពីនិយាយ ទូរស័ព្ទចប់ ស្រាប់តែនាង លេសស្បៀនបានស្រែក យំខ្លាំងៗ មើលទៅ ទំនងជា ឈឺចិត្តខ្លាំង ណាស់ ។ បន្ទាប់ពីឈរស្រែក យំមិនបានប៉ុន្មាន ផងនារី លេសស្បៀន រូបនោះ បានរត់ចូល រថយន្តដែល គេកំពុងធ្វើចរាចរ តាមដងផ្លូវ ប៉ងសម្លាប់ខ្លួន តែត្រូវអ្នក ឃើញហេតុការណ៍ ជួយឃាត់ ទាន់ពេលវេលា ។
ក្រោយពីប៉ងសម្លាប់ខ្លួនមិនបានសម្រេចនាងលេសស្បៀនខាងលើ ក៏ហៅម៉ូតូឌុបជិះចេញពីកន្លែង កើតហេតុ បាត់តែម្តង បន្ទាប់ពីស្រី ស្នេហ៍ទូរស័ព្ទមក លួងលោមនោះ ។ ជាមួយគ្នានោះ ប្រជាពលរដ្ឋបាននិយាយតៗ គ្នាថាយ៉ាប់ណាស់ ក្មេងៗឥឡូវ មានស្នេហ៍ ខុសតម្រា ពេលដែលខឹង គ្នាជ្រើសរើសយក ការសម្លាប់ខ្លួន ហើយមករត់ ចូលរថយន្តនេះ មិនរងគ្រោះ បើរងគ្រោះ វានិងមានបញ្ហា ដល់អ្នកមានរ ថយន្តជិះថែមទៀតផង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
