ខេត្តកំពង់ស្ពឺ ៖ យុវជនជាបងធំ ប្រចាំភូមិម្នាក់ ត្រូវនគរបាល ស្រុកសំរោងទង ធ្វើការឃាត់ ខ្លួន ខណៈស្រវឹងស្រា ជោក ទៅវាយម៉ូតូ របស់អ្នកដទៃ ឱ្យរងខូចខាត កាលពីវេលា ម៉ោង០៤ និង៣០នាទី រសៀល ថ្ងៃទី២៩ មីនា ២០១៥ ស្ថិតនៅក្នុង ភូមិចំបក់ ឃុំវល្លិស ស្រុកសំរោងទង ខេត្តកំពង់ស្ពឺ ។

ប្រភពបានឱ្យដឹងថា បុរសដែលឃាត់ខ្លួន មានឈ្មោះប៊ុន ហេង អាយុ២៩ឆ្នាំ រស់នៅភូមិចំបក់ ឃុំវល្លិស ស្រុកសំរោងទង ខេត្តកំពង់ស្ពឺ ។ ម៉ូតូដែលត្រូវ ជននោះវាយ ម៉ាកហុងដា ធុន C125 ស៊េរីឆ្នាំ២០១៤ ពណ៌ខ្មៅ គ្មានស្លាកលេខ ជារបស់ឈ្មោះ សាវ៉េត ភេទស្រី អាយុ៥០ឆ្នាំ រស់នៅក្នុង ភូមិ-ឃុំ កើតហេតុខាងលើ។

ប្រភពបន្តថា មុនពេលកើតហេតុ យុវជនខាងលើ ដើរតាមផ្លូវ ហើយម្ចាស់ម៉ូតូ ដោយយល់ថា ជាមនុស្ស ក្នុងភូមិ ជាមួយគ្នា ក៏សួរនាំ «អានាងមកពីណា ចូលលេងសិន» ពេលនោះ យុវជននោះ ក៏ចូលអង្គុយ លេខមុខផ្ទះ ។ រួចហើយបានខ្ចី ទូរស័ព្ទម្ចាស់ផ្ទះ ស្តាប់ចម្រៀង ពេលបាន មួយសន្ទុះ ម្ចាស់ក៏ទារយក ទូរស័ព្ទវិញ ប៉ុន្តែយុវជននោះ មិនព្រមឱ្យវិញ បែរជាបោក កម្ទេចចោល ស្រាប់តែជននោះ និយាយទៀតថា «ម៉េចមកប្តឹងម៉ែអញ មានអ្នកណាខ្លាំង ជាងអញ ស័ក្តិធំជាងអញ ទៀតនោះ » ហើយក៏ស្ទុះ ទៅយកដំបង វាយស្ត្រីចំណាស់ ខាងលើ និងវាយម៉ូតូ រងការខូចខាត ផ្អើលពេញភូមិ តែម្តង ។


បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]