ផ្ទុះអាវុធ​២​ គ្រាប់​ឃាត់ខ្លួន ​បាន​ជនសង្ស័យ​ ម្នាក់​ក្នុង​បរិវេណ ​ក្រសួង​សង្គមកិច្ច

រាជធានីភ្នំពេញ ៖ ជនសង្ស័យម្នាក់រត់គេច ខ្លួនពីសមត្ថកិច្ចដែលមាន សំលៀកបំពាក់ ស៊ីវិលមួយក្រុម បានផ្លោះរបង ឡើងដំបូលផ្ទះប្រជាពលរដ្ឋ ហើយមានការផ្ទុះអាវុធចំនួន២គ្រាប់ ហើយជនសង្ស័យខាង លើបានហក់ចូលទៅក្នុង បរិវេណក្រសួងសង្គមកិច្ច អតីតយុទ្ធជន និងយុវនីតិសប្បទា ក៏ត្រូវសមត្ថកិច្ចប្រចាំការទីនោះភ្ជង់ចាប់ឃាត់ជាប់ ប៉ុន្តែអ្វីដែលប្លែកនោះនៅពេល ក្រុមអ្នកកាសែតចុះយកព័ត៌មាន នោះបែរជាត្រូវសមត្ថកិច្ចព្យាយាម លាក់បាំងព័ត៌មានទៅវិញ ហើយនាំជនសង្ស័យគេច ចូលទៅក្នុងបាត់តែម្តង ។ ហេតុការណ៍នេះ បានកើតឡើងកាលពីវេលា ម៉ោង១២និង១០នាទីរំលងអាធ្រាត្រ ឈានចូលថ្ងៃទី២៧ ខែមិនា ឆ្នាំ២០១៥ ត្រង់ចំណុចបរិវេណ ក្រសួងសង្គមកិច្ច អតីតយុទ្ធជន និង យុវនីតិសប្បទាតាមបណ្ដោយ មហាវិថីព្រះមុនីវង្ស ស្ថិតក្នុងសង្កាត់បឹងត្របែក ខណ្ឌចំការមន ៕