រាយខ្សែភ្លើង​ចាប់ចង្រិត​ បែរជាឆក់ជិវិត​អ្នកជិតខាង

ខេត្តបន្ទាយមានជ័យ ៖ បុរសម្នាក់បានស្លាប់ភ្លាមៗនៅកន្លែងកើតហេតុ ដោយសារដើរទាក់ខ្សែភ្លើងដែល អ្នកភូមិក្បែរខាងរាយ ដើម្បីចាប់ សត្វ ចង្រិត ។

ហេតុការណ៍នេះ បានកើតឡើងនៅម៉ោងប្រមាណ១និង៣០នាទីរសៀលថ្ងៃទី២៦ មីនា ២០១៥ នៅក្នុង ភូមិ-សង្កាត់ផ្សារកណ្តាល ក្រុងប៉ោយ ប៉ែត ។

បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងនៅ ប៉ុន្មាននាទីមុននេះថា ជនរងគ្រោះដែល ស្លាប់ឈ្មោះ ឈុំ ស៊ីណា អាយុ២៦ឆ្នាំ ស្នាក់នៅក្នុង ភូមិសាស្រ្តខាងលើ ជាកម្មករស៊ីឈ្នួល កាប់ប្រឡាយទឹកឲ្យគេ។

សេចក្តីរាយការណ៍បានបន្តថា នៅម៉ោងជិត២រសៀលថ្ងៃព្រហស្បតិ៍ដដែលនេះ សមត្ថកិច្ចកំពុងសួរនំា ជនសង្ស័យមិនទាន់ ស្គាល់ អត្ត សញ្ញាណ ដែលរាយខ្សែភ្លើង ស្រាតដើម្បីចាប់ចង្រិតនោះ ៕