បុរស​ពោះ​ម៉ាយ​ម្នាក់​ពួន​សម្ងំ ​នៅ​ស្រែប្រាំង​​​ចាប់​នារី​វ័យ ១៧​ឆ្នាំ​រំលោភ​ ​ត្រូវ​ចាប់ខ្លួន

ខេត្តកំពង់ឆ្នាំង ៖ ជនសង្ស័យម្នាក់ត្រូវកម្លាំងនគរបាលស្រុកកំពង់ត្រឡាចចាប់ខ្លួនបានកាល ពីវេលាម៉ោង ៩ និង១០នាទីយប់ ថ្ងៃទី០៥  មីនា ២០១៥ តាមពាក្យបណ្តឹង របស់ម្តាយក្មេងស្រី រងគ្រោះថា បានចាប់រំលោភ កូនស្រីគាត់អាយុ១៧ឆ្នាំ កាលពីវេលាម៉ោង៣ និង៣០នាទី រសៀលថ្ងៃដដែល គឺមុនពេលចាប់ខ្លួន តែជាង៥ម៉ោងប៉ុណ្ណោះ នៅចំណុចមេទឹកក្រាំងរបប ស្ថិតក្នុងភូមិកៀនឃ្លាំង ឃុំអំពិលទឹក ស្រុក កំពង់ត្រឡាច  ។

លោក ហ៊ុល វាសនា អធិការនគរបាលស្រុកកំពង់ត្រឡាចបាននិយាយថា ជនសង្ស័យរូបនោះមានឈ្មោះ វង្ស សុភាព អាយុ២៣ឆ្នាំ ជាបុរសពោះម៉ាយ ចំណែកនារីរងគ្រោះ មានឈ្មោះ ព.ក អាយុ១៧ឆ្នាំ ។

លោកអធិការបន្តថា ឪពុកម្តាយ នារីរងគ្រោះ និងជនសង្ស័យ គឺជាដន្លងនឹងគ្នា (បង និងបងបានគ្នាជាប្តីប្រពន្ឋ) ។ មុនពេលកើតហេតុ ជន សង្ស័យខាងលើបានទៅផ្ទះនារីរងគ្រោះ បានដឹងថា ឪពុកម្តាយនាងមិននៅផ្ទះ និងដឹងទៀតថា នារីរងគ្រោះនឹងទៅ ច្រូតស្រូវនៅរសៀល នេះ ទើបជនសង្ស័យខាងលើ បានចេញពីផ្ទះនាង ហើយបានទៅពួននៅ ជិតស្រែប្រាំងរបស់នាង លុះនារីរងគ្រោះ ទៅច្រូតស្រូវ បុរសពោះ ម៉ាយខាងលើបាន ចេញពីក្នុងព្រៃធ្វើ សកម្មភាពចាប់នាងរំលោភ រហូតបានសម្រេច ទើបគេចមកផ្ទះវិញ ។

លោកអធិការបន្តទៀតថា រហូតដលម៉ោងជាង៧យប់ ពេលឪពុកម្តាយមកដល់ នារីរងគ្រោះបានប្រាប់ ពីដំណើររឿងឱ្យដឹង ទើបឪពុកម្តាយ នាងប្តឹងសមត្ថកិច្ច ហើយឈានដល់ ការចាប់ឃាត់ខ្លួនតែម្តង ៕