ការប្រគុំតន្រ្តី K-POP ដ៏ធំនឹងធ្វើឡើង នៅវៀតណាម ក្នុងខែមិនានេះ

វៀតណាម៖ នេះជាដំណឹងល្អ សំរាប់អ្នកគាំទ្រតារា K-POP នៅអាស៊ីអាគ្នេយ៍ ដែលកម្មវិធីតន្រ្តីដ៏ធំ ប្រចាំសប្តាហ៍ របស់ស្ថានីយ៍ ទូរទស្សន៍កូរ៉េ KBS 2TV គឺ Music Bank បានបញ្ជាក់ កាលបរិច្ឆេទបន្ទាប់ សម្រាប់ដំណើរទេសចរណ៍ ទូទាំងពិភពលោក នាពេលខាងមុខ នៅទីក្រុងហាណូយ ប្រទេសវៀតណាម។

នៅថ្ងៃទី ២៤ ខែកុម្ភៈ តំណាងរបស់ ទូរទស្សន៍ KBS បានប្រកាសពី គម្រោងក្នុងការថត កម្មវិធី Music Bank នៅក្នុងពហុកីឡដ្ឋានជាតិ ទីក្រុងហាណួយ ថ្ងៃទី ២៨ ខែមិនា ខាងមុខនេះ នៅវេលាម៉ោងប្រមាណជា ៦ល្ងាច ម៉ោងក្នុងតំបន់។ ទោះជាយ៉ាងណា កាលបរិច្ឆេទ ថតនេះត្រូវបាន គេអះអាងថា មិនទាន់ត្រូវបានសម្រេច មួយរយភាគរយ នៅឡើយទេ។

ក្រុមតារាកូរ៉េល្បីៗ ដែលត្រូវបាន ចូលរួមសំដែង មានដូចជា EXO, SHINee, Apink, SISTAR, TEEN TOP, GOT7, Block B...។

ជាធម្មតា កម្មវិធីតន្ត្រី Music Bank បានជួយផ្សព្វផ្សាយ តារា K-Pop តាមរយៈការថត កម្មវិធីតន្រ្តីប្រចាំសប្តាហ៍ នៅទីតាំងផ្សេងៗគ្នា នៅទូទាំងពិភពលោក។ កម្មវិធីនេះធ្លាប់បានធ្វើការប្រគុំ នៅក្នុងប្រទេសជប៉ុន, ប្រទេសបារាំង, ប្រទេសវៀតណាម, ហុងកុង, ឆីលី, ឥណ្ឌូនេស៊ី, អ៊ីស្តង់ប៊ុល ប្រទេសប្រេស៊ីល ម៉ិកស៊ិក ជាដើម និងកន្លែងជាច្រើន ផ្សេងទៀតសម្រាប់ អ្នកគាំទ្រ K-Pop អន្តរជាតិបានចូលរួមរីករាយ៕

ក្រុម EXO

ក្រុម SHINee

ក្រុម Apink

ក្រុម SISTAR

ក្រុម Teen Top

ក្រុម GOT7

ក្រុម Block B

ប្រភព Koreaboo

ដោយ Luhan

ខ្មែរឡូត