សមត្ថកិច្ចក្របួច ក្មេងស្ទាវ៣នាក់ ក្រោយកាប់ ប្រហារគ្នា ដាច់ស្លឹក ត្រចៀក

ភ្នំពេញ  ៖  ក្មេងស្ទឹងទំនើង៣នាក់ ដែល បង្កភាពអនាធិបតេយ្យ ដេញកាប់ប្រហារ គ្នាតាមដងផ្លូវរហូត ដាច់ស្លឹក ត្រចៀក កាល ពីវេលាម៉ោង ១០ព្រឹក ថ្ងៃទី២៨ ខែកុម្ភៈ ឆ្នាំ២០១៥ ស្ថិតនៅក្បែរ ភោជនីយ ដ្ឋានយ៉ាង ចូវ ក្នុងសង្កាត់ចតុមុខ ខណ្ឌដូនពេញ ក្រោយ ពីពួកគេ បានធ្វើសកម្មភាព នៅមុខវិទ្យាស្ថាន ជាតិអប់រំ ។

ប្រភពព័ត៌មានពីសមត្ថកិច្ចបានឱ្យដឹងថា ក្មេងទំនើងទាំង៣នាក់នេះ រួមជាមួយបក្ខពួក ប្រដាប់ដោយ កាំភ្លើងជ័រ ដាវ បានជិះ ម៉ូតូដេញកាប់ គ្នាយ៉ាង ប្រសេចប្រសាច ធ្វើឱ្យមានការ ភ្ញាក់ផ្អើល យ៉ាងខ្លាំង ដល់ប្រជាពលរដ្ឋ ដែលធ្វើដំណើរ តាមដងផ្លូវ ។

ភ្លាមៗ កម្លាំងសមត្ថកិច្ច បានទៅជួយអន្ដរាគមន៍ ចាប់ក្មេងទំនើង៣នាក់ ព្រមទាំងដកហូត បានវត្ថុតាង ជាកាំភ្លើងជ័រ និងដាវមួយ ចំនួនផងដែរ ។

ក្រោយការឃាត់ខ្លួនក្មេងទំនើងទាំង៣ នាក់នេះ ត្រូវបានប្រគល់ទៅឱ្យនគរបាល ការិយាល័យព្រហ្ម ទណ្ឌក្រុង ដើម្បីយក ទៅសួរនាំនិង ចាត់ការតាមផ្លូវច្បាប់ ។