Suzuki Smash V 113cc ម៉ូដែល ឆ្នាំ 2013 ចេញថ្មីហើយ!

ភ្នំពេញៈ ក្រោយពីបាន បញ្ចេញលក់នូវម៉ូតូ Suzuki nex ប្រភេទ Scooter លេខអូតូ កំលាំង 113cc កាលពីថ្ងៃទី 22 មិថុនា ឆ្នាំ 2012 រួចមក ក្រុមហ៊ុន អូ អឹម ស៊ី ដោយបានការសហការ ជាមួយរោងចក្រ Cambodia Suzuki Motor បានធ្វើការបញ្ចេញលក់នូវ ម៉ូដែលដ៏ពេញនិយមគឺ SuzukI Smash V ម៉ូដែលថ្មីឆ្នាំ 2013 កាលពីល្ងាចថ្ងៃទី 09 កក្កដា ឆ្នាំ 2012 នៅទីតាំង Showroom កាច់ជ្រុងស្តុបពេទ្យ ចិន ក្រោអធិបតីភាព លោក ឧកញ៉ា ស៊ីវ ថៃ នាយកក្រុមហ៊ុន  អូ អឹម ស៊ី ។

លោកឧកញ៉ា ស៊ីវ ថៃ បានមានប្រសាសន៏ថា ម៉ូតូ Smash-V FW115 ស៊េរីឆ្នាំ2013 ត្រូវបានស្ថាបនា ដោយផ្អែកលើ មូលដ្ឋានសំខាន់ៗ ៦ចំណុចដូចជា មានលក្ខណៈខាងក្រៅស្អាត សង្ហារ ទំនើប ទាន់សម័យ សក្តិសមមនុស្សគ្រប់វ័យ , រឹងមាំប្រើធន់បានយូរ និងបើកបរមានលំនឹងស្ថេរភាពល្អ , កំលាំងម៉ាស៊ីនខ្លាំង 113CC, សំឡេងម៉ាស៊ីនស្ងាត់, ស៊ីសាំងតិច និង ចំហេះបានល្អ មិនបន្សល់ទុកកាកសំណល់ មិនបំពុលបរិស្ថានជាដើម ។

លោកបានបន្ថែមថា ក្រៅពីចំណុចជាមូលដ្ឋានសំខាន់ៗទាំង៦ ខាងលើ នេះ Smash-V FW115 ក៏មានចំណុច កែប្រែដ៏ទាក់ទាញមួយ ចំនួនទៀតដូចជា ផ្ទៃកុងទ័របានរចនាពណ៌ថ្មី ស្រស់ស្អាតបែបស្ព័រ , តែមអាវសង្ខាងរចនាម៉ូត បែបសម័យទំនើបកាន់តែបង្កើនសម្រស់ Smash-V FW115 ទ្វេដង

,ចង្កឹះលេខក្រូម៉េ រលោងចាំងឆ្លុះ គួរឱ្យគយគន់, ឈ្នាន់ហ្រ្វាំងបានប្តូរទៅជាក្រូម៉េ  រលោងស្អាត កាន់តែធ្វើឱ្យទាក់ទាញ, ម៉ារឺវ៉េនក្រូម៉េ ភ្លឺ រលោង កាន់តែបង្កើនសោភ័នភាព Smash-V មួយកំរិតទៀត, ដុំឌីសហ្រ្វាំងបូមមុខ បានប្តូរទៅជាពណ៌ទឹកមាសយ៉ាងស្រស់ស្អាត, បង្ហាញនូវភាពរីករាយរបស់ Smash

លោក Takeshi Nishiguchi ប្រធានផែ្នកផលិតកម្ម  នៃរោងចក្រ Cambodia Suzuki Motor បានលើឡើងអំពី ម៉ូតូ Suzuki Smash V (2013) សេរីថ្មីនេះ ដោយមានការកែប្រែថ្មីដូចជា ការប្តូរពណ៌កុងទ័រ ទៅជាពណ៌ក្រហម ដ៏ទាក់ទាញ ស្រស់ស្អាត រចនាតែមថ្មី ជាពិសេសលោក បានបន្ថែមថា ជាការឆ្លើយតប ដ៏ច្បាស់លាស់ទៅនឹង សំណូមពររបស់ អស់លោកអ្នក ម៉ារីវេន   ឈ្នាន់ហ្រ្វាំងនិងចង្កឹះលេខ ត្រូវបានកែប្រែ ទៅជាក្រូម៉េរលោងស្អាត គួរឱ្យ ចាប់អារម្មណ៍ ដូចគ្នាទៅនឹងម៉ូដែល Suzuki Viva បេះបិទ ។ បន្ថែមលើសពីនេះយើងបានប្រើ  Logo  115  ថ្មីលើអាវចំហៀង សងខាងដើម្បីបញ្ជាក់ឱ្យកាន់តែច្បាស់ពីកំលាំងម៉ាស៊ីនខ្លាំង និងមានប្រសិទ្ធិភាព ខ្ពស់ ។

លោក Takeshi Nishiguchi មានប្រសាសន៏ថា ម៉ូតូ  Smash   V    របស់យើងកំពុង តែទទួលបាន នូវកេរ្តិ៍ឈ្មោះ ដ៏ល្បីល្បាញ ចាប់តាំងពីការចេញលក់ ក្នុងឆ្នាំ២០១០ គឺកេរ្តិ៍ឈ្មោះនៃកំលាំង និងប្រសិទិ្ធភាព ម៉ាស៊ីនដ៏ល្អឥតខ្ចោះរបស់វា ព្រមទាំងការសន្សំសំចៃប្រេងសាំងប្រកបដោយប្រសិទិ្ធភាព សេដ្ឋកិច្ចខ្ពស់ និងម៉ាស៊ីនមានសំលេងស្ងាត់ល្អ ។ យើងមានជំនឿជឿជាក់ថាម៉ូដែល ២០១៣ អាចដាស់ និង បង្កើនអារម្មណ៍ ដិតដាមកាន់តែខ្លាំងក្លា ហើយយើងរំពឹងការលក់របស់ម៉ូដែលនេះនឹងមានសន្ទុះជាថ្មីម្តងទៀត ៕

ផ្តល់សិទ្ធដោយ ដើមអម្ពិល