ខេត្តក្រចេះ៖ យុវជនវ័យក្មេងខ្ចី អាយុ១៥ឆ្នាំម្នាក់ ត្រូវបានប៉ូលិសស្រុកឆ្លូងចាប់ឃាត់ខ្លួនពីបទរំលោភ សេពសន្ថវៈ បន្ទាប់ពីក្មេងប្រុសម្នាក់នេះ បានធ្វើសកម្មភាពចាប់រំលោភ លើក្មេង ស្រីជាអនីតិជនវ័យ ១២ឆ្នាំ នៅក្នុងព្រៃចម្ការ ។
លោកវរសេនីយ៏ត្រី ឌួង សុទ្ឋី អធិការនគរបាលស្រុកឆ្លូង បានឲ្យដឹងថា ក្មេងប្រុសសង្ស័យមានឈ្មោះ ស្រ៊ុន ឡា អាយុ១៥ឆ្នាំ ជាកម្មករ លើកដំឡូងមី មានទីលំនៅភូមិ ព្រែកចម្លាក់ ឃុំកញ្ជរ ស្រុឆ្លូង ត្រូវបាននគរបាលឃាត់ ខ្លូនកាលពីថ្ងៃទី២០ ធ្នូ ឆ្នាំ២០១៤ តាមពាក្យបណ្តឹង របស់គ្រួសារ ក្មេងស្រីរងគ្រោះ ដែលបានប្តឹងនគរបាល ប៉ុស្តិ៍រដ្ឋបាលកញ្ជរ ។
សមត្ថកិច្ចបានឱ្យដឹងទៀតថា ក្មេងស្រីរងគ្រោះបានប្រាប់ឪពុក-ម្តាយនាងថាត្រូវគេរំលោភ ទោះបីជា ក្មេងប្រុសសង្ស័យបានគំរាមសម្លាប់ បើយក រឿងនេះទៅប្រាប់ ឪពុក-ម្តាយ ឬ នរណាម្នាក់ក៏ដោយ ។
ប៉ូលិសក៏បានឲ្យដឹងទៀតថា ក្មេងស្រីរងគ្រោះបានទៅស៊ីឈ្នួលធ្វើការនៅចម្ការជាមួយឪពុក-ម្តាយ របស់នាងនៅព្រៃចម្ការ ក្បែរជាមួយនឹងជនសង្ស័យនៅ ចំនុចព្រៃខាងលើ ទើបធ្វើឲ្យជនសង្ស័យ មានឱកាស ល្បួងនាងទៅចាប់រំលោភ រហូតបានសម្រេច។
លោកអធិការស្រុកឆ្លូងបានឲ្យដឹងទៀតថា តាមការសាកសួរ ជនសង្ស័យបានឆ្លើយសារភាពថា រូបគេពិតជាបានចាប់រំលោភ លើក្មេងស្រី រងគ្រោះបានសម្រេចពិតប្រាកដ មែន ។
បច្ចុប្បន្នជនសង្ស័យត្រូវឃាត់ខ្លួននៅ អធិការដ្ឋានរង់ចាំការកសាងសំណុំរឿងបញ្ជូនខ្លួនបន្តនៅរសៀល ថ្ងៃទី២១ ខែធ្នូ នេះ៕
ក្មេងប្រុសសង្ស័យមានឈ្មោះ ស្រ៊ុន ឡា
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]