រាជធានីភ្នំពេញ ៖ មានការភ្ញាក់ផ្អើលមួយ ខណៈជនសង្ស័យជាមេ ជួញដូរគ្រឿងម្នាក់ ដែលទើបចាប់ខ្លួន បានយកកន្សែងពោះគោ ប្រភេទធំ ចងភ្ជាប់ជាមួយ ទុយោទឹក ដើម្បីប៉ុនប៉ងសម្លាប់ខ្លួន តែមិនបានសម្រេច ព្រោះត្រូវកម្លាំង សមត្ថកិច្ចជួយសង្គ្រោះទាន់ កាលពីវេលា ម៉ោង០៩ និង៤៥នាទីព្រឹក ថ្ងៃទី២៧ វិច្ឆិកា ២០១៤ ស្ថិតនៅការិយាល័យ ប្រឆាំងគ្រឿងញៀនរាជធានីភ្នំពេញ ។
ប្រភពបានឱ្យដឹងថា ជនសង្ស័យដែល ប៉ុនប៉ងសម្លាប់ខ្លួនឈ្មោះ ហ៊ាង ពៅ ហៅឈុំ ជឿន អាយុ៣៦ឆ្នាំ ស្នាក់នៅផ្ទះលេខ១៣ ផ្លូវលេខ ៣១៨ ក្រុម២២ ភូមិ៨ សង្កាត់បឹងសាឡាង ខណ្ឌទួលគោក ។
ប្រភពបន្តថា មុនពេលកើតហេតុ ជនខាងលើ បានលួចយកកន្សែង ពោះគោ ទៅចងភ្ជាប់ជាមួយទុយោទឹក ហើយជននោះបានស្រែក ប្រាប់គេ ឯងថា «សុំលាបងប្អូនទាំងអស់គ្នាហើយ» ក៏ប្រុងលោតចុះមកឱ្យស្លាប់ តែត្រូវអ្នកនៅក្បែរ នោះឃើញទាន់ ក៏ស្រែកឱ្យគេជួយ ផ្អើលដល់ សមត្ថកិច្ចតែម្តង ៕
មេខ្លោងជួញដូរគ្រឿងញៀនដែលទើបចាប់ខ្លួនបានប៉ុនប៉ងចង.កធ្វើអត្តឃាត តែត្រូវសង្គ្រោះទាន់
យ៉ាងណាមិញ បើតាមរយៈវីដេអូ មួយដែលត្រូវបានបង្ហោះចូល ក្នុងបណ្តាញសង្គមហ្វេសប៊ុក និងមានការចែកចាយ បន្តជាច្រើន បាន បង្ហាញ ពី សកម្មភាព ជនសង្ស័យជាមេ ជួញដូរគ្រឿងញៀនរូបនេះ បានសុំឱប កូនស្រីសំណព្វជាលើកចុងក្រោយ ដែលសកម្មភាពនេះ កើតឡើងមុន ពេល ជនសង្ស័យរូបនេះចង់ធ្វើអត្តឃាត ៕
មកទស្សនាវីដេអូយកចេញពីបណ្តាញហ្វេសប៊ុក ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]