៦ចំនុចនេះ អាចបញ្ជាក់បានថា មនុស្សដែលអ្នក កំពុងរាប់អាន គឺជាមិត្តភក្តិពិត របស់អ្នក!

ជាការពិត មិត្តភក្តិល្អ គឺពិបាកស្វែងរកណាស់ សម្រាប់មនុស្ស ក្នុងពេលបច្ចុប្បន្ននេះ។ ចុះអ្នក អាចដឹង ទេថា មិត្តភក្តិ ដែលចាត់ថាល្អនោះ តើពួកគេ មានអត្តចរិកយ៉ាងណា? ចង់ដឹង សូមស្វែងយល់ ជាមួយ ខ្មែរឡួត ទាំងអស់គ្នា៖

១) ស្តាប់អ្នក៖ មិត្តភក្តិពិត គឺតែងតែស្តាប់អ្នក ទោះជារឿងអ្វីក៏ដោយ ឬក៏គេរវល់យ៉ាងណា ក៏គេព្យាយាម ស្តាប់ រឿងរបស់អ្នក រហូតដល់ចប់ដែរ។ ជាពិសេសនោះ គេតែងតែយកពេល របស់គេ ចេញមក ជួប ដើរលេងជាមួយអ្នក និងបើកត្រចៀកស្តាប់អ្នកជានិច្ច។

២) ស្មោះត្រង់៖ ពួកគេមិនដែល និយាយក្រោយខ្នងអ្នក ទោះបីគេដឹងរឿង គ្រប់យ៉ាងពីអ្នក ក៏ដោយ។ បន្ថែមពីនេះទៅទៀត ពួកគេនឹង ព្យាយាមបិទបាំង រឿងអាស្រូវ របស់អ្នកជានិច្ច។ មិនតែប៉ុណ្ណោះ មិត្តពិតគឺ មិត្តដែលសម្តែងកាយវិការ និងការឆ្លើយតប លើអ្វីមួយ ដោយភាព ស្មោះត្រង់ និង ច្បាស់លាស់បំផុត។

៣) តែងតែជួយអ្នក៖ ពួកគេតែងតែជួយអ្នក នៅពេលអ្នកត្រូវការពួកគេ។ ជាពិសេស ប្រសិនបើករណី ណាមួយ ដែលពួកគេ មិនអាចជួយ អ្នកបាន នោះ គឺពួកគេនឹងស្វែងរក គ្រប់វិធី ដើម្បី ជួយអ្នក ឲ្យបាន។ អ្នកត្រូវចាំថា មិត្តភក្កិល្អ គឺជាមិត្តដែល ទុកអ្នកសំខាន់ជាងខ្លួន របស់គេ ហើយគេតែងតែ នៅពីក្រោយអ្នក ចាំជួយអ្នកជានិច្ច។

៤) មិនប្រកួតប្រជែងជាមួយអ្នក៖ មិត្តពិត ជាមិត្តដែល មិនដែលមានគំនិត ចង់ប្រកួតប្រជែង ជាមួយ នឹងអ្នក ទោះបីស្ថិត ក្នុងកាលៈទេសៈ បែបណា ក៏ដោយ។ ជាការពិត មនុស្សភាគច្រើន តែងតែ ចូលចិត្ត ប្រកួតប្រជែងគ្នា ចង់មានជាង រឺក៏ចង់មាន សុភមង្គលជាង ប៉ុន្តែសម្រាប់មិត្តពិត គឺពួកគេ នឹង សប្បាយចិត្ត នៅពេលអ្នក ក្លាយជាអ្នកមាន ឬ មានសុភមង្គលក្នុងជីវិត។ ជាពិសេស ពួកគេនឹងផ្តល់ ឱកាសសម្រាប់អ្នក ហើយ មិនដែលបំបាក់ ទឹកចិត្តអ្នកនោះទេ។

៥) គេទុកគម្លាតសម្រាប់អ្នក៖ ពួកគេនឹង មិនរំខាន ពេលផ្ទាល់ខ្លួន របស់អ្នកច្រើនឡើយ ដរាបណាអ្នក ត្រូវការពួកគេ ដោយពួកគេ យល់ថា នៅពេលខ្លះ មនុស្សម្នាក់ៗ ក៏ចង់នៅម្នាក់ឯងដែរ។ បន្ថែមពីនេះ ទៅទៀត ពួកគេមិនដែលច្រណែន នូវអ្វីដែលអ្នកមាន រឺក៏ភាពជោគជ័យ របស់អ្នកនោះទេ។

៦) ពួកគេនឹងសប្បាយចិត្ត នៅពេលអ្នកសប្បាយចិត្ត៖ ប្រហែលជាអ្នក យល់ច្បាស់ហើយចំពោះ ចំនុចនេះ ពីព្រោះថា មិត្តភក្តិពិត គឺពួកគេនឹង រីករាយ នៅពេលអ្នក សប្បាយចិត្ត ហើយប្រសិន បើអ្នក មានទុក្ខ គឺរូបគេ ក៏មានទុក្ខ ដូចអ្នកដែរ។

ទាំងនេះ ជាសញ្ញាមួយចំនួន ដែលអាចបញ្ជាក់បានថា មនុស្សដែលអ្នក កំពុងតែរាប់អាននោះ ជាមិត្តភក្តិពិត៕

ប្រភព៖ magforwomen