រាជធានីភ្នំពេញ ៖ ជនសង្ស័យគាស់ ផ្ទះប្រជាពលរដ្ឋម្នាក់ ត្រូវបានម្ចាស់ផ្ទះ ទាន់ដេញចាប់បាន វាយរងរបួសធ្ងន់ ហើយយកអាវ ចងស្លាបសេក ប្រគល់ឱ្យសមត្ថកិច្ច។ ហេតុការណ៍នេះ កើតឡើងនៅ វេលាម៉ោង៤ និង២០នាទីទៀបភ្លឺ ថ្ងៃទី៣០ កញ្ញា ២០១៤ នៅចំណុច ផ្ទះលេខ៣២E1 ក្រុមទី៣ ភូមិ៧ សង្កាត់ផ្សារកណ្តាល ខណ្ឌដូនពេញ។ ជនសង្ស័យឈ្មោះ សុខ វី ភេទប្រុស អាយុ៣៣ឆ្នាំ ស្នាក់នៅម្តុំ វត្តបុទុម សង្កាត់ចតុមុខ ។
ប្រភពព័ត៌មាន បានឱ្យដឹងថា នៅមុនពេល កើតហេតុ គឺក្មួយប្រុសម្ចាស់ផ្ទះ បានចុុះពីលើផ្ទះ គឺឃើញជនសង្ស័យ កំពុងគាស់ទ្វារ កញ្ចក់ផ្ទះរបស់ ម្តាយមីងនៅជាន់ទី១ ហើយក៏បាន ស្រែកថាចោរៗ ធ្វើឱ្យជនសង្ស័យភ័យ ក៏យកកាំបិតបំរុង ចាក់ក្មួយម្ចាស់ផ្ទះ ។ ប៉ុន្តែចាក់មិនត្រូវ ជនសង្ស័យក៏បាន រត់ចុះទៅក្រោមផ្ទះ គេចខ្លួន ក៏មានការភ្ញាក់ផ្អើល ដល់ម្ចាស់ផ្ទះ និងប្រជាពលរដ្ឋ ក្បែរខាងសហការគ្នា ដេញចាប់បាន ជនសង្ស័យនៅ ផ្លូវលេខ១៤៨ កែងផ្លូវលេខ១៥ ហើយនាំគ្នា ស្វាគមន៍ជនសង្ស័យ ម្នាក់មួយដៃ ម្នាក់មួយជើង របួសធ្ងន់រួចយក អាវចងដៃស្លាបសេក ប្រគល់ទៅឱ្យ សមត្ថកិច្ច ។
ក្រោយពេលកើតហេតុ សមត្ថកិច្ចប៉ុស្តិ៍ ផ្សារកណ្តាល បានបញ្ជូន ជនសង្ស័យ ទៅព្យាបាល ព្រោះជនសង្ស័យ របួសធ្ងន់ ចំណែកម្ចាស់ផ្ទះ បានទៅដាក់ ពាក្យបណ្តឹងនៅ ប៉ុស្តិ៍នគរបាល រដ្ឋបាលផ្សារ កណ្តាលមួយ។ ជនសង្ស័យ ពេលព្យាបាលជា និងត្រូវនាំខ្លួន មកកាន់ប៉ុស្តិ៍ប៉ូលិស សាកសួរ និងកសាងសំណុំរឿង ទៅតាមនិតិវិធីច្បាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]