ម៉ូតូ២គ្រឿងបុកគ្នា រថយន្តដឹកដី មកពី ក្រោយ បុកស្លាប់ម្នាក់ និងរបួសម្នាក់ នៅជិតវត្តស្លែង

ភ្នំពេញ៖ មនុស្សម្នាក់ បានស្លាប់ភ្លាមៗ នៅនឹងកន្លែង កើតហេតុ និងម្នាក់ទៀត រងរបួស កាលពីវេលា ម៉ោងប្រមាណ ៥៖១០នាទីល្ងាច ថ្ងៃទី២៩ ខែកញ្ញា ឆ្នាំ២០១៤ ស្ថិតនៅតាម ផ្លូវជាតិលេខ៣ នៅជិត វត្តស្លែង សង្កាត់ពងទឹក ខណ្ឌដង្កោ ក្នុងគ្រោះថ្នាក់ចរាចរណ៍ មួយ រវាងម៉ូតូនិងម៉ូតូ ហើយមាន រថយន្តដឹកដី មួយគ្រឿង មកពីក្រោយ ។

សេចក្តីរាយការណ៍ បានឲ្យដឹងថា មុនពេលកើតហេតុ មានម៉ូតូចំនួន ២គ្រឿងបុកគ្នា បណ្តាលឲ្យដួល ពេលនោះ ស្រាប់តែមាន រថយន្តដឹកដី មួយគ្រឿង មកពីក្រោយ កិនអ្នកបើកម៉ូតូ ដែលកំពុងដួលនោះ បណ្តាលឲ្យស្លាប់ និងរងរបួស ។

សេចក្តីរាយការណ៍ បានបន្តទៀតថា ភ្លាមៗនោះ ស្រាប់តែមាន រថយន្តសាំយ៉ុង មួយគ្រឿង មកពីក្រោយ បុករថយន្តដឹកដី ។ ក្រោយកើត ហេតុ កម្លាំងសមត្ថកិច្ច មូលដ្ឋាន បានចុះទៅជួយ អន្តរាគមន៍ភ្លាមៗ ផងដែរ៕