ទស្សនា វីដេអូស្ដែងៗ ដែលប្រជាពល រដ្ឋ និងសមត្ថកិច្ច នាំគ្នាជិះដេញ តាម រថយន្ដស៊េរីទំនើប ពេញទីក្រុង (វីដេអូ)

ភ្នំពេញ៖ កាលពីព្រឹកមិញនេះ មានហេតុការណ៍ដ៏ គួរឲ្យរន្ធត់មួយកើតឡើង ពេញទីក្រុង ដោយ មានម៉ូតូ ប្រជាពលរដ្ឋ និងប៉ូលីស នាំគ្នាដេញតាម រថយន្ដស៊េរីទំនើប មួយគ្រឿងនេះ ដែលបើកដោយបុរស ម្នាក់មិនស្គាល់ អត្ដសញ្ញាណ គឺកើតឡើង ពាក់ព័ន្ធ ទៅនឹងករណី គ្រោះថ្នាក់ចរាចរ។

តាមសមត្ថកិច្ចបានឱ្យដឹងថា មុនដំបូងអ្នកបើក រថយន្ដស៊េរីទំនើបមួយ គ្រឿងនេះ បានបើកបុកម៉ូតូ នៅម្ដុំផ្លូវ២៤០ កែងផ្លូវព្រះនរោត្ដម ក្នុងទឹក ដីខណ្ឌដូនពេញ ពេលនោះ អ្នកបើក រថយន្ដមិន បានឈប់ដោះស្រាយជាមួយ អ្នកជិះម៉ូតូនោះឡើយ ហើយ បានបើករត់ធ្វើ ឱ្យជនរងគ្រោះ និងប្រជាពលរដ្ឋនៅក្បែរនោះ ជាពិសេសអ្នករត់ម៉ូតូបាន នាំគ្នាជិះម៉ូតូដេញ តាមពីក្រោយ រថយន្ដដែល ធ្វើដំណើរតាម ផ្លូវជាច្រើនខ្សែ ក្នុងខណ្ឌដូនពេញ និងធ្លាយទៅខណ្ឌ ចំការមន និងម្ដុំកោះពេជ្រ ។

ព្រឹត្ដិការណ៍នេះ បានធ្វើឱ្យមានការភ្ញាក់ ផ្អើលកាន់តែខ្លាំងឡើង រហូតធ្វើឱ្យកម្លាំង សមត្ថកិច្ចជាច្រើននាក់ ទាំងនគរបាលមូលដ្ឋាន នគរបាលចរាចរណ៍ និងអាវុធហត្ថបាន នាំគ្នាបើកម៉ូតូដេញ តាមពីក្រោយរថយន្ដ មួយគ្រឿងនេះ រហូតឃាត់បាននៅក្បែរ ធនាគារជាតិ ជិតមន្ទីរពេទ្យ ព្រះអង្គឌួង ។ សមត្ថកិច្ចបានបន្ដថា ក្រោយឃាត់រថយន្ដ បានស្នងការនគរបាល រាជធានីភ្នំពេញ បានបញ្ជាឱ្យបញ្ជូន រថយន្ដនិងអ្នក បើកបរទៅកាន់ ការិយាល័យចរាចរ ផ្លូវគោករាជធានីភ្នំពេញ ដើម្បីចាត់ការបន្ដ តាមផ្លូវច្បាប់ ។

យ៉ាងណាក៏ដោយ សមត្ថកិច្ចមិនទាន់បាន បញ្ជាក់អំពីអត្ដសញ្ញាណ អ្នកបើករថយន្ដស៊េរី ទំនើបនេះឡើយ ប៉ុន្ដែច្បាស់ជា កូនអ្នកមាន មុខមានមាត់ និងមានទ្រព្យសម្បត្ដិ ព្រោះបើករថយន្ដដែល មានតម្លៃថ្លៃ បែបនេះ ។

មន្ដ្រីនគរបាលចរាចរណ៍ផ្លូវគោក ដែលមានជំនាញ លើកការដោះស្រាយ បញ្ហាគ្រោះថ្នាក់ចរាចរ បាននិយាយថា នេះមកពីអ្នកបើក រថយន្ដមិនចេះយល់ពីច្បាប់ ចរាចរណ៍ ហើយបើឈប់ដោះស្រាយ នោះនឹងគ្មានរឿងកើតឡើង ដែលធ្វើឱ្យមានការ ភ្ញាក់ផ្អើល បែបនេះទេ ៕

សូមទស្សនាវីដេអូបន្ថែម ដែលបាន ដកស្រង់ចេញពី ហ្វេសប៊ុក៖

សកម្មភាពដែលប្រជាពលរដ្ឋនាំគ្នា ជិះដេញតាម

សកម្មភាព ដែលប្រជាលរដ្ឋ រួមនឹង សមត្ថកិច្ច នាំគ្នា ដេញតាមរថយន្ដសេរ៊ីទំនើប

ខ្មែរឡូត