ស្ដ្រីធ្វើនំបញ្ចុក លក់ចងកនិង ជណ្ដើរឡៅតឿ បញ្ចប់ជីវិត

ភ្នំពេញ ៖ សពស្ដ្រីម្នាក់ ដែលជាអ្នកធ្វើ នំបញ្ចុកត្រូវបានគេ ប្រទះឃើញចងក និងជណ្ដើរឡៅតឿ កាលពីវេលា ម៉ោង១យប់រំលង អាធ្រាត្រឈាន ចូលថ្ងៃទី១៨ ខែកញ្ញា ឆ្នាំ២០១៤ ស្ថិតនៅផ្ទះលេខ១២៩ ផ្លូវបេតុង ក្រុមទី១៦ ភូមិត្រញំងឈូក សង្កាត់ទឹកថ្លា ខណ្ឌសែនសុខ ។

មន្ដ្រីនគរបាល មូលដ្ឋានបាននិយាយថា សពស្ដ្រីរងគ្រោះ ឈ្មោះ ចេក មុំ អាយុ៤២ឆ្នាំ មានស្រុកកំណើត នៅភូមិថ្មី ឃុំគគីរមានជ័យ ស្រុកបរសេដ្ឋ ខេត្ដកំពង់ស្ពឺ ។

យ៉ាងណាក៏ដោយ សមត្ថកិច្ចមិនទាន់បាន បញ្ជាក់ពីមូលហេតុ ដែលនាំឱ្យស្ដ្រី រងគ្រោះរូបនេះចងក សម្លាប់ខ្លួននោះទេ ។

ក្រោយពិនិត្យកោសល្យ វិច័យរួចមក សពស្ដ្រីរងគ្រោះ ត្រូវបានសមត្ថកិច្ចយកទៅ តម្កល់ទុកនៅវត្ដ ឫស្សីសាញ់ ដើម្បីឱ្យក្រុមគ្រួសារ ធ្វើបុណ្យតាមប្រពៃណី ។