យល់ដឹងពី អាហារបំប៉ន ទាំង៥មុខ ដែលស្ត្រី បំបៅដោះកូន គួរទទួលទាន!

បរទេស៖ នៅពេលមានផ្ទៃពោះ អ្វីដែលស្ត្រីគ្រប់រូប ព្រួយបារម្ភ និងយកចិត្តទុកដាក់ ជាងគេនោះ គឺអាហារ ព្រោះថាប្រសិនបើ ជ្រើសរើស អាហារខុសនោះ គឺអាចនាំមកនូវ ផលប៉ះពាល់ យ៉ាងខ្លាំង ទាំងម្តាយ និងទារក ហើយរឹតតែត្រូវ រើសអាហារទៀតនោះ គឺនៅពេលដែល សម្រាលកូនរួច និងត្រូវបំបៅដោះកូន។

ខាងក្រោមនេះ គឺជាអាហារទាំង៥យ៉ាង ដែលផ្តល់ផលល្អ សម្រាប់សុខភាព ដែលស្ត្រីបំបៅដោះកូន និងកូនតាមរយៈ ទឹកដោះម្តាយ៖

១. ត្រីសាម៉ុង
ត្រីសាម៉ុង មានអាស៊ីតខ្លាញ់ អូមេហ្គា៣ ដែលផ្តល់ផលល្អ សម្រាប់រាងកាយទាំងមូល។ លើសពីនេះ ទៅទៀត វាមានផ្ទុកទៅដោយ សារធាតុ DHA ដែលជាទូទៅ គឺមាននៅក្នុង ទឹកដោះគោ ដែលផ្តល់ផលល្អ សម្រាប់ប្រព័ន្ធប្រសាទ របស់ទារក។ ស្ត្រីដែលបំបៅដោះកូន គួរទទួលទាន ត្រីសាម៉ុង ២ដង ក្នុង មួយសប្តាហ៍ ដើម្បីបង្កើនកម្រិត DHA នៅក្នុងខ្លួន ប៉ុន្តែមិនត្រូវទទួលទាន ច្រើនហួស កម្រិតនោះទេ ព្រោះជាតិបារត ដែលមាននៅក្នុង សាច់សត្វសមុទ្រទាំងនោះ អាចធ្វើឲ្យប៉ះពាល់ដល់ សុខភាពបាន ប្រសិនបើទទួលទាន ច្រើនហួស។

២. ផលិតផល ធ្វើពីទឹកដោះគោ ដែលមានជាតិខ្លាញ់ទាប
ផលិតផល ធ្វើពីទឹកដោះគោ ដែលមានជាតិខ្លាញ់ទាប មានដូចជា ទឹកដោះគោ, ឈីស, និងប៊ឺរ គឺជាជំរើសដ៏ល្អមួយ ព្រោះតែវាសម្បូរទៅដោយ វីតាមីនD, វីតាមីនB, កាល់ស្យូម សម្រាប់ស្ត្រី បំបៅដោះកូន និងធ្វើឲ្យមាន ទឹកដោះគ្រប់គ្រាន់ សម្រាប់ទារក។ វីតាមីនទាំងនេះ មិនត្រឹមតែជួយ ដល់សុខភាព មាតាប៉ុណ្ណោះទេ គឺជាអាចជួយ ទៅដល់ឆ្អឹង របស់ទារក តាមរយៈទឹកដោះ ថែមទៀតផង។

៣. សាច់គោសុទ្ធ គ្មានខ្លាញ់
ស្ត្រីមានផ្ទៃពោះ គួរតែទទួលទាន សាច់គោសុទ្ធ គ្មានជាតិខ្លាញ់ ២ទៅ៣ដង ក្នុងមួយសប្តាហ៍ ព្រោះតែសាច់គ្មានខ្លាញ់ គឺមានផ្ទុកទៅដោយ វីតាមីន B12 និងប្រូតេអ៊ីន ដែលអាចផ្តល់នូវ ថាមពលទៅឲ្យ ទាំងម្តាយ និងកូនបានយ៉ាងល្អ។

៤. អង្ករសំរូប និងប្រភេទ បន្លែមានគួរ (សណ្តែកគ្រប់ប្រភេទ)
អង្ករសំរូប និងប្រភេទបន្លែ ដែលមានគួរ ដូចជាសណ្តែកជាដើម ដែលសម្បូរទៅដោយ កាបូនអ៊ីដ្រាត ដែលជាប្រភពនៃ ជាតិសរសៃ អាចជួយសម្រកទំងន់ បានយ៉ាងល្អ និងមិនធ្វ់ឲ្យ ប៉ះពាល់ សល់សុខភាពម្តាយ និងទារកនោះទេ។

៥. បន្លែស្លឹកពណ៌ប៉ៃតង និងនំបុ័ង
បន្លែស្លឹកពណ៌ប៉ៃតង ដូចជាស្ពៃជាដើម គឺជាអាហារដែលល្អបំផុត ដែលស្ត្រីទើបសម្រាលកូនរួច គួរទទួលទាន ព្រោះវាសម្បូរ ទៅដោយជាតិដែក និងជាតិសរសៃ ដែលជួយបង្កើនថាមពល និងធ្វើឲ្យមានអារម្មណ៍ ធូរស្រាលជាងមុន។ ចំណែកឯនំបុ័ងវិញ គឺមិនមានផល អាក្រក់អ្វីទាំងអស់ សម្រាប់សុខភាព ផ្ទុយទៅវិញ គឺមានមានផលល្អ សម្រាប់ស្ត្រីដែលទើប សម្រាលកូនរួច ទៅវិញទេ។

ទាំងនេះគឺជា សារធាតុចិញ្ចឹម ដែលស្ត្រីទើប សម្រាលកូនរួច និងបំបៅកូន ដោយទឹកដោះ គួរទទួលទាន ដើម្បីទទួលបាននូវ សុខភាពល្អ ទាំងមាតា និងទារក។

ប្រភព៖ MagForWomen

ដោយ និមល

ខ្មែរឡូត