អីយ៉ា! ម៉ោង ៤ ល្ងាច នេះប្រកាស លទ្ធផល ថ្នាក់ទី ១២ ហើយ!

ភ្នំពេញ៖ សិស្សានុសិស្ស ជាច្រើន នៃថ្នាក់ទី ១២ កំពុងតែទន្ទឹងមរងចាំ លទ្ធផល ប្រលង ដែលប្រកាស នាល្ងាច ថ្ងៃទី ២៩ ខែ សីហា ឆ្នាំ ២០១៤នេះ ជាក់ជាមិនខាន។

នេះបើតាមគេហទំព័រ ហ្វេសប៊ុក របស់ក្រសួងអបរំ យុវជន និងកីឡា បានបង្ហោះសារ ថ្មីក្ដៅៗថា "លទ្ធផលប្រឡងសញ្ញាបត្រ មធ្យមសិក្សាទុតិយភូមិ និងបំពេញវិជ្ជាអាច នឹងត្រូវប្រកាសនៅ វេលាម៉ោង ៤ រសៀល សូមតាមដានគេហទំព័រ ក្រសួង www.moeys.gov.kh និងចុច LIKE បណ្ដាញសង្គម www.facebook.com/moeys.gov.kh ដើម្បីទទួលបាន លទ្ធផលប្រឡងមុនគេ។ ដំណើរការបោះពុម្ព លទ្ធផលប្រឡង សញ្ញាបត្រទុតិយភូមិ និងបំពេញវិជ្ជា នាព្រឹកថ្ងៃទី ២៩ ខែសីហា ឆ្នាំ២០១៤ ដោយមានការចូលរួមពី ថ្នាក់ដឹកនាំក្រសួង និង អង្គភាពប្រឆាំង អំពើពុករលួយ ។ "។

នេះអាចនិយាយថា ជាព្រឹត្ដិការណ៍ ដ៏ក្ដៅគគុក បន្ទាប់ពី មានព័ត៌មានចុះផ្សាយថា រដ្ឋមន្រ្តីក្រសួងអប់រំ យុវជន និងកីឡា លោក ហង់ ជួនណារ៉ុន បានប្រាប់ក្រុម អ្នកសារព័ត៌មានថា ការប្រឡងបាក់ឌុបឆ្នាំនេះ អាចនឹងមានអ្នក ជាប់ក្នុងរង្វង់ ៣០% ហើយថាព័ត៌មាន ដែលអះអាងថា មានអ្នកជាប់ ៥-២០ភាគរយនោះ មិនមែនជា ការពិតនោះទេ ។ នៅក្នុងនោះ លោកអះអាងថា ចំនួនអ្នកជាប់ឆ្នាំនេះ នៅមានតិចតួចនៅឡើយ បើប្រៀបធៀប ទៅនឹងឆ្នាំមុន ដោយឆ្នាំមុនមាន អ្នកជាប់រហូតដល់ ៨៦%។

ការថ្លែងបែបនេះរបស់ លោក ហង្ស ជួនណារ៉ុន បានធ្វើឡើងនៅ ក្រោយកិច្ចប្រជុំពិភាក្សាគ្នា ជាមួយនឹង មន្រ្តីក្រសួងអប់រំ ក្នុងការកំណត់ថ្ងៃ ប្រឡងសារជាថ្មី នាទីស្តីការក្រសួងអប់រំ កាលពីម្សិលមិញ៕

មើលសកម្មភាព ការចាប់ឆែក តឹង រឹងបំផុត ពីសំណាក់លោកគ្រូ អ្នកគ្រូ ក្នុងថ្ងៃប្រលងបាក់ឌុប ឆ្នាំនេះ (មានវីដេអូ)

រៀបចំដោយ ម៉ា

ខ្មែរឡូត