កូនឆ្កែ មួយក្បាល បំបែកកំណត់ត្រា ពិភពលោក ជាសត្វឆ្កែ អាចដើរ ជើងពីរ លឿនបំផុត លើពិភពលោក (វីដេអូ)

អាមេរិក៖ កូនឆ្កែមួយក្បាល ឈ្មោះ Jiff មិនត្រឹមតែ ស្អាត ឆ្លាត និង គួរឲ្យស្រលាញ់ នោះទេ វា ថែមត្រូវអាច បំបែកកំណត់ត្រាពិភពលោក ជា កូនឆ្កែតែមួយ ក្បាលគត់ ដែលអាច ឈរនិងដើរ ជាមួយ ជើងពីរ របស់វាបានលឿនជាងគេ លើពិភពលោកនេះ ។

កូនឆ្កែ ដែលស្អាត និងគួរឲ្យស្រលាញ់ជាងគេ លើពិភពលោក 

ប្រភពព័ត៌មាន បានឲ្យដឹងថា កូនឆ្កែ Jiff នេះ ជាពូជឆ្កែ Pomeranian ហើយវាមាន អាយុ៤ឆ្នាំ និង ទម្ងន់ជាង ២.២ គីឡូក្រាម ដែលវា ត្រូវបាន ដាក់ ចូលក្នុងបញ្ជីកំណត់ត្រាពិភពលោក ទី ៦០ ។

កូនឆ្កែJiff នេះ អាច រត់ដោយប្រើ ជើងខាងក្រោយបាន ១០ម៉ែត្រក្នុង ៦.៥៦វិនាទី ខណៈដែលវា អាចរត់ដោយប្រើជើងខាងមុខ បាន៥ម៉ែត្រ  ក្នុងរយៈពេលតែ ៧.៧៦វិនាទី ។ សំរាប់ថេរវេលា ដែលវា ធ្វើបាន នេះគឺ វាអាចធ្វើបាន លឿនជាង សត្វឆ្កែដទៃ ទៀត នៅលើលោកនេះ។

គួរបញ្ជាក់ដែរថា កូនឆ្កែ Jiff ក៏ជាឆ្កែដ៏ល្បីល្បាញមួយផងដែរ នៅក្នុង បណ្តាញអ៊ីនធើណេត ហើយវាថែម ទាំងបាន ចូលក្នុងកម្មវិធីទូរទស្សន៍ ជារឿយៗ និង ធ្វើជាកូនឆ្កែម៉ូឌែល ថតក្នុង កាសែត និង ទស្សនាវដ្តីផងដែរ ៕ 

រូបភាពៈ កូនឆ្កែ Jiff ទទួលបាន កំណត់ត្រាពិភពលោក 

តើប្រិយមិត្ត គិតថា ឆ្កែនេះស្អាតនិង គួរឲ្យស្រលាញ់ទេ?

ប្រភព news.yahoo

ដោយ ៖ ទីន

ខ្មែរឡូត