រត់​ម៉ូតូឌុបប៉ះ​ចំ​ស្រី​​ស្អាត​ ទ្រាំ​មិនបាន​ដឹក​​ចូល​​ផ្ទះ​​រំលោភ​​បាន​សម្រេច​ ក្លាយជា​ទោស​​

ខេត្តបន្ទាយមានជ័យ ៖ ជនសង្ស័យម្នាក់ ត្រូវកម្លាំង នគរបាល ក្រុងសិរីសោភ័ណ ចាប់ខ្លួន ក្រោយពីជននេះ រត់ម៉ូតូឌុប ដឹកចំស្រីស្អាត យកចូលផ្ទះ របស់ខ្លួន រួចធ្វើសកម្មភាព រំលោភសេពសន្ថវៈ រហូតបានសម្រេច កាលពីថ្ងៃទី២៧ សីហា ស្ថិតក្នុង ភូមិសែសិន សង្កាត់អូរអំបិល ក្រុងសិរីសោភ័ណ ។

លោក ស៊ីវ សុជាតិ អធិការនគរបាល ក្រុងសិរីសោភ័ណ បានឲ្យដឹងថា ក្រោយពីទទួលបាន ពាក្យបណ្តឹង ពីនារីរងគ្រោះ លោកក៏បាន បញ្ជាកម្លាំង ចុះទៅស្រាវជ្រាវ ភ្លាមៗ និងឃាត់ខ្លួន ជនសង្ស័យ ឈ្មោះ អៀន ស៊ីវណ្ណធឿន ភេទប្រុស អាយុ៣៣ឆ្នាំ រស់នៅ ក្នុងភូមិកើតហេតុ ជាអ្នករត់ម៉ូតូឌុប ។

ជននេះបន្ទាប់ពី រំលោភបានសម្រេច បានយកលុយ របស់នារីរងគ្រោះ ចំនួន៧ម៉ឺនរៀល និងទូរសព្ទ័ដៃ មួយគ្រឿង ថែមទៀតផង ។ ចំណែកនារីរងគ្រោះ អាយុ២៧ឆ្នាំ ទើបត្រឡប់ មកពីភ្នំពេញ ។ 

ក្រោយពីឃាត់ខ្លួន ជនសង្ស័យ អៀន ស៊ីវណ្ណធឿន បានសារភាព នៅចំពោះមុខ សមត្ថកិច្ចថា ខ្លួនពិតជាបាន ចាប់នារីរងគ្រោះ រំលោភបានសម្រេចមែន និងបានគំរាមកំហែង ដោយសារតែ ឃើញនាងមានរូបរាងស្អាត ហើយទ្រាំមិនបាន ។

បច្ចុប្បន្នជនសង្ស័យ ត្រូវសមត្ថកិច្ច កសាងសំណុំរឿង បញ្ជូនទៅតុលាការ ៕

ជនសង្ស័យ