មន្ត្រី​រដ្ឋា​ករទឹក​ម្នាក់ ត្រូវ​ជនមិន​ស្គាល់​មុខ​ វាយសម្លាប់​ និង​យក​ម៉ូតូ​កញ្ចាស់ទៅបាត់​

រាជធានីភ្នំពេញ៖ បុរសម្នាក់ដែលគេស្គាល់ថា ជាមន្ត្រីរដ្ឋាករទឹកត្រូវ បានជនមិនស្គាល់ មុខវាយសម្លាប់ យ៉ាងអាណោាចអាធ័ម បង្កឱ្យមាន ការភ្ញាក់ផ្អើល កាលពីវេលា ម៉ោង៦ព្រឹកថ្ងៃទី១៩ សីហា ២០១៤ នេះ ស្ថិតនៅចំណុចក្បែរ ចិញ្ចើមផ្លូវកែវ ចិន្តា ក្នុងភូមិ៣ សង្កាត់ជ្រោយចង្វា ខណ្ឌប្ញស្សីកែវ ។

ប្រភពបានឱ្យដឹងថា ជនរងគ្រោះមានឈ្មោះរស់ ចន្ទ្រា អាយុ២១ឆ្នាំ ជាមន្ត្រីរដ្ឋាករទឹក មានទីលំនៅក្បែរក ន្លែងកើតហេតុខាងលើ ។ ប្រភពបន្តថា មុនពេលកើតហេតុ គេឃើញជនរងគ្រោះជិះ ម៉ូតូកញ្ចាស់មួយគ្រឿង ដើម្បីត្រឡប់ទៅផ្ទះវិញ លុះមកដល់ចំណុច កើតហេតុខាងលើ ក៏ត្រូវជនមិនស្គាល់ ស្ទាក់វាយសម្លាប់តែម្តង ហើយម៉ូតូកញ្ចាស់ មួយគ្រឿងនោះ ក៏ត្រូវបានបាត់ដែរ ។

ទោះបីជាយ៉ាងណា មជ្ឈដ្ឋានជុំវិញត្រូវបាន សន្និដ្ឋានថា អាចជាករណីគំនុំ មិនមែនជាករណីប្លន់ម៉ូតូទេ ព្រោះម៉ូតូរបស់ជនរងគ្រោះ គឺជាម៉ូតូកញ្ចាស់មួយគ្រឿង ។