បុរស​ម្នាក់​ត្រូវ​សមត្ថ​កិច្ច​ចាប់​ខ្លួន ពេល​កំពុង​ចុះ ​ពី​លើ​រថយន្ត​របស់ខ្លួន​

ខេត្តព្រះសីហនុ ៖ នៅវេលាម៉ោង៤ និង៤៥នាទីល្ងាច ថ្ងៃទី០១ សីហា ២០១៤ នៅចំណុចក្បែរ ផ្សារវាលរេញ មនុស្សប្រុសម្នាក់ ត្រូវបានកម្លាំងប៉ូលិស ដែលគេដឹងថាជា ប៉ូលិសក្រសួង បានចាប់ចូលក្នុង រថយន្តឡិចស៊ីស ពាក់ស្លាកលេខ ន.ប ក្នុងខណៈ ដែលបុរសម្នាក់នោះចុះ ពីលើរថយន្តរបស់ខ្លួន ហើយការចាប់ ខ្លួនបុរសខាងលើនេះគេ នៅមិនទាន់ដឹងថាមក ពីមូលហេតុអ្វីនោះទេ ។

ប៉ុន្តែបើតាមស្រ្តី ដែលអះអាងថា ជាជនរងគ្រោះបាន ឱ្យដឹងតាមទូរសព្ទ័ដោយ សុំមិនបញ្ចេញឈ្មោះថា បុរសខាងលើត្រូវបាន ចាប់ខ្លួនពីបទឆបោកលុយ របស់គាត់ ១៦០០០ដុល្លារ (មួយមឺុនប្រាំមួយ ពាន់ដុល្លារ) និងឆបោករថយន្តរបស់ ស្រ្តីម្នាក់ផ្សេងទៀត។ ស្រ្តីខាងលើបាន ប្រាប់ឱ្យដឹងថា កាបោកលុយនេះ មានរយះពេល២ ទៅ៣ខែមុននេះ ហើយបន្ទាប់មកជន នេះក៏បានមកលាក់ខ្លួននៅ ក្នុងផ្ទះសំណាក់ដែលមាន យីហោ ណាង ហេងសួគា៌ ដែលមានទីតាំង ស្ថិតនៅភូមិសំរ៉ុង ឃុំសំរ៉ុង ស្រុកព្រៃនប់ ខេត្តព្រះសីហនុ ។

បុរសដែលកម្លាំងប៉ូលិសចាប់ ខ្លួននោះមានឈ្មោះ ផល សិលា ឈ្មោះថ្មីផល ដែលមាន ទីលំនៅក្នុងសង្កាត់ទឹកថ្លា ខណ្ឌសែនសុខ  ក្រុងភ្នំពេញ ហើយភ្លាមៗត្រូវបានគេ ដឹកតាមរថយន្តពាក់ស្លាក លេខន.ប សំដៅទៅ រាជធានីភ្នំពេញ។