បាញ់ប្លន់នារីម្នាក់ យកម៉ូតូ ម៉ាកហ្វីណូ ដោយសុវត្ថិភាព

ភ្នំពេញ៖ ជនរងគ្រោះ ជានារីម្នាក់ ត្រូវចោរបាញ់ប្លន់ យកម៉ូតូម៉ាកហ្វីណូ បានដោយសុវត្ថិភាព កាលពីយប់ ថ្ងៃទី៣១ ខែកក្កដា ឆ្នាំ២០១៤ ស្ថិតនៅក្នុង សង្កាត់បឹងទំពុន ខណ្ឌមានជ័យ ។

ប្រភពព័ត៌មាន បានឲ្យដឹងថា មុនពេលកើតហេតុ ជនរងគ្រោះបានជិះ ម៉ូតូរបស់ខ្លួន ម៉ាកហ្វីណូ ហើយកំពុង តែជិះនោះ ស្រាប់តែមាន ជនសង្ស័យ មិនស្គាល់អត្ត សញ្ជាណម្នាក់ ធ្វើដំណើរដោយថ្មើជើង ធ្វើសកម្មភាពបាញ់ មកលើនារីរងគ្រោះ ត្រូវដៃខាងឆ្វេង ហើយយកម៉ូតូ របស់ជនរងគ្រោះជិះ គេចខ្លួនបាត់តែម្តង ។

បច្ចុប្បន្នសមត្ថកិច្ច កំពុងធ្វើការស្រាវជ្រាវ ដើម្បីចាប់ខ្លួនជន សង្ស័យយកមកផ្តន្ទា ទោសតាមច្បាប់។ ចំណែកជនរងគ្រោះ ត្រូវបានក្រុមគ្រួសារ បញ្ជូនទៅមន្ទីរពេទ្យ ដើម្បីជួយសង្រ្គោះ៕